सेलू : येथील नूतन विद्यालयामध्ये सेवक गोरखनाथ जनार्धन घायाळ यांच्या सेवागौरव सोहळ्याचे नुकतेच आयोजन करण्यात आले होते. याप्रसंगी त्यांच्या सेवेबद्दल त्यांचा, व पत्नी शोभा घायाळ यांचाही विशेष सन्मान करण्यात आला. कार्यक्रमाच्या अध्यक्षस्थानी संस्थेचे उपाध्यक्ष डी. के. देशपांडेगुरूजी होते. व्यासपीठावर संस्थेचे सचिव डॉ. व्ही.के.कोठेकर, दत्तरावजी पावडे नाना, प्राचार्य डॉ. शरद कुलकर्णी, राजेश गुप्ता, मकरंद दिग्रसकर, जयदत्त बावणे यांच्यासह अनेक मान्यवर उपस्थित होते.
प्रभारी मुख्याध्यापक के. के. देशपांडे यांनी प्रास्ताविकात गोरखनाथ घायाळ यांच्या निस्वार्थ सेवेचे कौतुक केले. याप्रसंगी आपल्या मनोगतात एस. एल. जोशी आणि संदिपान महाराज घायाळ यांनी गोरखनाथ यांच्या कामाची प्रशंसा केली. मान्यवरांनी तसेच विविध संस्था आणि व्यक्तींनीही घायाळ यांचा गौरव करत शुभेच्छा दिल्या. सूत्रसंचालन व्ही. यू. धापसे यांनी केले, तर उपस्थितांचे आभार भगवान देवकत्ते यांनी मानले.
