लॉयन्स क्लबच्या वतीने ११५ रुग्णांची मोफत नेत्र तपासणी
सेलू : लॉयन्स क्लब, सेलूच्या वतीने दर महिन्याच्या पहिल्या रविवारी आयोजित करण्यात येणाऱ्या मोफत नेत्र तपासणी शिबिरात ११५ रुग्णांची तपासणी करण्यात आली. मोतीबिंदूचे निदान झालेल्या रुग्णांना टप्प्याटप्प्याने परतूर येथील दृष्टी लॉयन्स नेत्रालयात शस्त्रक्रियेसाठी पाठवले जाईल, अशी माहिती क्लबचे तालुकाध्यक्ष सुयश पटवारी यांनी दिली.
रविवार, ३ ऑगस्ट रोजी चिरायू रुग्णालयात हे शिबीर पार पडले. परतूर येथील दृष्टी लॉयन्स नेत्रालयाचे डॉ. अशोक पौळ, आकांक्षा केवारे आणि शब्दाली धनले यांनी नेत्र तपासणी केली. त्यांना शेख फरीद, निता महाजन, माऊली भाबट, आनंदी काळे, गायत्री साळवे यांनी सहकार्य केले.
शिबिराच्या यशस्वी आयोजनासाठी तालुका सचिव डॉ. बाळासाहेब जाधव, उपाध्यक्ष अजित सराफ, कोषाध्यक्ष डॉ. शैलेश मालाणी, डॉ. उमेश गायकवाड, डॉ. अनुराग जोगदंड, राजेंद्र सराफ, डॉ. परेश बिनायके, डॉ. कुंदन राऊत, दत्तात्रय सोळंके, डॉ. कैलास आवटे, डॉ. आशिष मेहता, डॉ. सुदर्शन मालाणी, अनुप गुप्ता, कृष्णा काटे, जयसिंग शेळके, सुभाष मोहकरे, सागर लोया आणि कुशल तांगडे या सर्व सदस्यांनी परिश्रम घेतले.
