सेलूमध्ये विविध क्षेत्रातील मान्यवरांची उपस्थिती
सेलू : शहरामध्ये भारतीय राज्यघटनेचे शिल्पकार भारतरत्न डॉ. बाबासाहेब आंबेडकर यांची जयंती अत्यंत उत्साहात साजरी करण्यात आली. या निमित्ताने आयोजित करण्यात आलेल्या विशेष कार्यक्रमात शहरातील विविध क्षेत्रातील मान्यवरांनी एकत्र येत महामानवाच्या स्मृतीस विनम्र अभिवादन केले.
कार्यक्रमाच्या प्रारंभी डॉ. बाबासाहेब आंबेडकर यांच्या प्रतिमेचे पूजन करून पुष्पहार अर्पण करण्यात आला. याप्रसंगी नगराध्यक्ष मिलिंद सावंत, माजी नगराध्यक्ष विनोद बोराडे, मारोती चव्हाण, उपनगराध्यक्ष साईराज बोराडे यांच्यासह नगरसेवक प्रभाकर सुरवसे, शफीभाई, मनीष कदम, सुबोध काकडे, दिपक कोल्हाळ, बालाजी झमकडे आणि अमोल व्हावले यांची प्रमुख उपस्थिती होती. उपस्थित सर्व मान्यवरांनी डॉ. बाबासाहेब आंबेडकरांनी दिलेल्या समता, न्याय आणि बंधुत्वाच्या शिकवणुकीचे स्मरण केले. शहरातील नागरिक आणि विविध पक्ष, सामाजिक, शैक्षणिक संघटनांच्या प्रतिनिधींनीही मोठ्या संख्येने उपस्थित राहून महामानवाला अभिवादन केले.
