परभणी : १२ सप्टेंबर २०२५ रोजी परभणी येथे आयोजित अखिल भारतीय विज्ञान मेळावा २०२५ अंतर्गत जिल्हास्तरीय विज्ञान मेळाव्यात सेलू येथील ज्ञानतीर्थ माध्यमिक विद्यालयाची विद्यार्थिनी हर्षदा नीलकंठ काष्टे हिने प्रथम क्रमांक पटकावून शाळेचा गौरव वाढवला.
जिल्हा परिषदेच्या कन्या प्रशाला, परभणी येथे हा विज्ञान मेळावा आयोजित करण्यात आला होता. यामध्ये हर्षदाने आपल्या वैज्ञानिक प्रकल्पाचे उत्कृष्ट सादरीकरण केले. तिच्या या यशाबद्दल श्रीराम प्रतिष्ठानचे संस्थापक अध्यक्ष डॉ. संजय रोडगे, सचिव डॉ. सविता रोडगे, प्रशासकीय अधिकारी प्रा. महादेव साबळे यांनी तिचे अभिनंदन केले. तसेच, ज्ञानतीर्थ माध्यमिक विद्यालयाचे मुख्याध्यापक हरिभाऊ कांबळे, मुख्याध्यापिका शालिनी शेळके, उत्कर्ष विद्यालयाचे मुख्याध्यापक कैलास ताठे आणि मार्गदर्शक शिक्षक ई. पी. पांचाळ यांनीही तिच्या पुढील वाटचालीस शुभेच्छा दिल्या.
