वैज्ञानिक दृष्टिकोन वृद्धिंगत करणे आपली सामूहिक जबाबदारी – डॉ. रामेश्वर नाईक

परभणी ऍस्ट्रॉनॉमिकल सोसायटीतर्फे जिंतूरमध्ये वैज्ञानिक जनजागृतीसाठी विविध उपक्रम

जिंतूर : परभणी ऍस्ट्रॉनॉमिकल सोसायटीच्या (PAS) वतीने विज्ञानप्रेमी शिक्षक, पालक, विद्यार्थी व नागरिकांची बैठक गुरुदेव नगर येथील पोदार जंबो किड्स येथे उत्साहात पार पडली. या बैठकीत विज्ञान प्रचार, खगोलशास्त्राविषयी जनजागृती, अंधश्रद्धा निर्मूलन आणि विज्ञानाधारित प्रकल्पांबाबत सविस्तर चर्चा करण्यात आली.

बैठकीच्या अध्यक्षस्थानी डॉ. दुर्गादास कान्हडकर होते. प्रमुख अतिथी म्हणून सोसायटीचे अध्यक्ष डॉ. रामेश्वर नाईक, सचिव सुधीर सोनूनकर, ॲड. मनोज सारडा, केंद्रप्रमुख के. सी. घुगे, प्रसाद वाघमारे, अशोक लाड व अनंत लाड उपस्थित होते. तसेच पंडितराव कवडे, किरण नाईक, कपिल घुगे, एकनाथ काळे, सचिन हजारे, सखाराम चव्हाण, अमोल सोनटक्के, विजय गीते, तुकाराम काळे, मुंजाभाऊ मोरे, प्रा. प्रकाश घुगे, गजानन बुधवंत, मनिषा वाघमारे, सुरेखा काळे, इंजि. आशा दराडे व श्रीमती वावरे यांची उपस्थिती होती.

यावेळी डॉ. रामेश्वर नाईक यांनी मार्गदर्शन करताना सांगितले की, वैज्ञानिक दृष्टिकोन वृद्धिंगत करणे ही समाजातील प्रत्येक घटकाची जबाबदारी असून विज्ञानाच्या माध्यमातून सकारात्मक परिवर्तन घडवून आणणे आवश्यक आहे. जिंतूर तालुक्यात विज्ञानाचा प्रसार करण्यासाठी कार्यकारी, प्रचार, आयोजन, संपर्क, तांत्रिक आणि महिला व युवा अशा विविध समित्यांचे गठन करण्यात आले. भविष्यात विज्ञान वारी, खगोल निरीक्षण शिबिरे आणि विज्ञान प्रदर्शनांचे आयोजन केले जाणार आहे. कार्यक्रमाच्या यशस्वीतेसाठी तालुका समन्वयक प्रकाश डुब्बे व बाळू बुधवंत यांनी परिश्रम घेतले.