सेलूत शालेय जिल्हा कबड्डी क्रीडा स्पर्धा उत्साहात, ६३० खेळाडूंनी घेतला सहभाग
सेलू : क्रीडा व युवक सेवा संचालनालय पुणे व जिल्हा क्रीडा अधिकारी कार्यालय परभणी, नूतन विद्यालय सेलू यांच्यावतीने शालेय जिल्हा कबड्डी क्रीडा स्पर्धा बुधवारी (ता. आठ) नूतन इनडोअर क्रीडा हॉलमध्ये झाल्या.नूतन शिक्षण संस्थेचे सचिव डॉ. व्ही. के. कोठेकर यांच्या हस्ते स्पर्धेचे उद्घाटन करण्यात आले. प्रथमच मातीवरील कबड्डी खेळ मॅटवर घेण्यात आला. याचा ग्रामीण भागातील खेळाडूंनी आनंद घेतला. संस्थेचे अध्यक्ष डॉ. एस.एम. लोया, राज्य क्रिडा मार्गदर्शक संजय मुंढे, डी.डी. सोन्नेकर, गणेश माळवे, प्रशांत नाईक, पी.आर. जाधव, माधव शिंदे, ज्ञानेश्वर गिरी, भारत धनले, तुकाराम शेळके उपस्थित होते. या स्पर्धेत १४, १७, १९ वर्षे वयोगटातील मुले व मुली जिल्ह्यातील ५४ संघांतील ६३० खेळाडू सहभागी झाले. शालेय जिल्हा कबड्डी क्रीडा स्पर्धा अंतिम निकाल पुढीलप्रमाणे : १४ वर्षे मुली गटात प्रथम : पाथरी तालुका, द्वितीय : सेलू तालुका. १७ वर्षे मुली गटात प्रथम गंगाखेड तालुका, द्वितीय जिंतूर तालुका. १९ वर्षे मुलींच्या गटात प्रथम: सेलू तालुका, द्वितीय : गंगाखेड तालुका. १९ वर्षे मुले गटात नूतन महाविद्यालय सेलू तालुका, द्वितीय गंगाखेड तालुका, १७ वर्षे मुले गटात : गंगाखेड तालुका, द्वितीय सेलू तालुका. बक्षीस वितरण समारंभास दिनकर वाघ, जयप्रकाशजी बिहाणी, संजय मुंढे, कैलास काळे, गुलाब रोडगे, गणेश माळवे, किशन भिसे उपस्थित होते. सूत्रसंचालन प्रशांत नाईक यांनी, तर आभार किशोर ढोके यांनी मानले. डॉ. खाजा अ. खदिर, योगेश जोशी, शेख कलिम, राहुल आंबेगावकर, धनंजय नखाते, विठ्ठल पुरी, नीलेश पवार यांनी पंच म्हणून काम पाहिले.
