१६ विद्यार्थ्यांची द्वितीय फेरीसाठी निवड
सेलू/प्रतिनिधी : येथील नूतन विद्यालयाच्या विद्यार्थ्यांनी डॉ. होमी भाभा बाल वैज्ञानिक स्पर्धा परीक्षा २०२५ मध्ये घवघवीत यश मिळवले आहे. या स्पर्धेची पूर्व परीक्षा यशस्वीरित्या उत्तीर्ण होऊन विद्यालयाचे एकूण १६ विद्यार्थी दुसऱ्या स्तरावरील प्रात्यक्षिक परीक्षेसाठी पात्र ठरले आहेत.
या स्पर्धेत इयत्ता नववीतील ११ आणि इयत्ता सहावीतील ५ अशा एकूण १६ विद्यार्थ्यांनी यश मिळवले आहे. इयत्ता नववीतून कृष्णा वाटाणे, मृण्मयी इक्कर, पार्थ चौधरी, दीपक काष्टे, मैथिली मोरे, दत्तप्रसाद लवराळे, शिवम वैद्य, साईराज दौड, विनय बेले, आरीज खान पठाण आणि अर्णव क्षीरसागर यांची निवड झाली आहे. तर इयत्ता सहावीतून शब्दा लाठकर, धनश्री शेळके, आर्या कुलकर्णी, स्वराज सोंजे आणि प्रसाद सोनी या विद्यार्थ्यांनी द्वितीय स्तरावर धडक मारली आहे.
विद्यार्थ्यांना अनंतकुमार विश्वंभर, विभागप्रमुख गोपाल आम्ले, आदिती आंबेकर आणि अश्विनी पटाईत यांचे मोलाचे मार्गदर्शन लाभले आहे. या यशाबद्दल नूतन विद्यालय शिक्षण संस्थेचे अध्यक्ष डॉ. एस. एम. लोया, उपाध्यक्ष डी. के. देशपांडे, सचिव प्राचार्य डॉ. विनायकराव कोठेकर, सहसचिव जयप्रकाश बिहाणी आणि प्रशासकीय अधिकारी प्राचार्य डॉ. शरद कुलकर्णी यांनी विद्यार्थ्यांचे कौतुक केले आहे. तसेच मुख्याध्यापक संतोष पाटील, उपमुख्याध्यापक किरण देशपांडे, पर्यवेक्षक रोहिदास मोगल व शंकर बोधनापोड यांनी यशस्वी विद्यार्थ्यांसह त्यांच्या पालकांचे आणि मार्गदर्शक शिक्षकांचे अभिनंदन करत पुढील फेरीसाठी शुभेच्छा दिल्या आहेत.
