अर्ज सादर करण्याचे आवाहन : ३० सप्टेंबर २०२५ पर्यंत मुदत
परभणी : महाराष्ट्रातील सार्वजनिक ग्रंथालयांना प्रोत्साहन देण्यासाठी आणि वाचन संस्कृती वाढवण्यासाठी डॉ. बाबासाहेब आंबेडकर उत्कृष्ट सार्वजनिक ग्रंथालय आणि डॉ. एस. आर. रंगनाथन उत्कृष्ट ग्रंथालय कार्यकर्ता व सेवक (ग्रंथमित्र) पुरस्कार २०२४-२५ साठी अर्ज मागविण्यात आले आहेत. इच्छुक ग्रंथालये, कार्यकर्ते आणि सेवक (ग्रंथमित्र) यांनी आपले अर्ज आवश्यक कागदपत्रांसह ३० सप्टेंबर, २०२५ पर्यंत आपल्या जिल्ह्याच्या जिल्हा ग्रंथालय अधिकारी कार्यालयात तीन प्रतींमध्ये सादर करावेत, असे आवाहन ग्रंथालय संचालनालयाचे संचालक अशोक गाडेकर यांनी केले आहे.
पुरस्काराचे स्वरूप :
- उत्कृष्ट सार्वजनिक ग्रंथालय पुरस्कार :
- या अंतर्गत निवड झालेल्या ग्रंथालयांना अनुक्रमे १ लाख, ७५ हजार, ५० हजार आणि २५ हजार रुपये रोख रक्कम, सन्मानचिन्ह, प्रमाणपत्र आणि ग्रंथभेट देऊन गौरवण्यात येते.
- उत्कृष्ट ग्रंथालय कार्यकर्ता व सेवक (ग्रंथमित्र) पुरस्कार :
- या पुरस्कारासाठी राज्यस्तरावर प्रत्येकी १ उत्कृष्ट कार्यकर्ता व सेवक निवडले जातात, त्यांना प्रत्येकी ५० हजार रुपये दिले जातात.
- प्रत्येक महसुली विभागात प्रत्येकी १ उत्कृष्ट कार्यकर्ता व सेवक निवडले जातात, त्यांना प्रत्येकी २५ हजार रुपये रोख रक्कम, सन्मानचिन्ह, प्रमाणपत्र आणि ग्रंथभेट देऊन सन्मानित केले जाते.
