सेलूतील हौशी नाट्य कलावंतांचा उपक्रम यशस्वी; नाट्य रसिकांचा उत्स्फूर्त प्रतिसाद
सेलू : येथील हौशी नाट्य कलावंतांच्या वतीने १७ ऑगस्ट रोजी साई नाट्यगृहात ‘फारच टोचलंय’ या एकल नाट्याचे सादरीकरण झाले. प्रसिद्ध रंगकर्मी व सेलूचे भूमिपुत्र धनंजय सरदेशपांडे यांनी लिहिलेल्या आणि अभिनित केलेल्या या नाटकाला नाट्य रसिकांनी उत्स्फूर्त प्रतिसाद दिला. रूपाली गोडंबे यांनी नाटकाचे दिग्दर्शन केले.
प्रत्येकाच्या आयुष्यात काही ना काही गोष्टी टोचतच असतात. याच रोजच्या जीवनातील काही सलणारे प्रसंग या नाटकातून सादर करण्यात आले. धनंजय सरदेशपांडे यांच्या प्रभावी अभिनयामुळे नाटकाने रसिकांच्या काळजाला हात घातला. रंगमंच व्यवस्था शरद कुलकर्णी यांनी सांभाळली, तर पार्श्वसंगीत किरण ढमाले आणि प्रकाश योजना वैभव पांडव यांची होती.
या नाट्य प्रयोगाच्या वेळी नूतन विद्यालय शिक्षण संस्थेचे अध्यक्ष डॉ. सत्यनारायण लोया, सचिव प्राचार्य डॉ. विनायकराव कोठेकर, नंदकिशोर बाहेती, नाट्य प्रयोगाचे संयोजक प्राचार्य डॉ. शरद कुलकर्णी, गोविंदराव जोशी, माजी नगराध्यक्ष हेमंतराव आडळकर, उद्योजक महेश खारकर, माजी अर्थ व बांधकाम सभापती अशोक काकडे, प्राचार्य डॉ. उत्तम राठोड, रामराव रोडगे, ज्येष्ठ रंगकर्मी प्रा. अनिल कुलकर्णी, रवि मुळावेकर, रवि कुलकर्णी, महिला मंडळाच्या अध्यक्षा विजया कोठेकर, रोहिणी कुलकर्णी आणि करूणा बागले यांची प्रमुख उपस्थिती होती.
या कार्यक्रमाचे सूत्रसंचालन भालचंद्र गांजापुरकर यांनी केले, तर शशिकांत देशपांडे यांनी आभार मानले. नाट्य प्रयोग यशस्वी करण्यासाठी संजय विटेकर, डॉ. शरद ठाकर, डॉ. सुरेश हिवाळे, डॉ. काशिनाथ पल्लेवाड, डॉ. प्रविण जोग, डॉ. राजाराम झोडगे आणि इतर हौशी कलावंतांनी विशेष परिश्रम घेतले. या प्रयोगासाठी शहरातील विविध क्षेत्रांतील नाट्य रसिक मोठ्या संख्येने उपस्थित होते.
