परभणी : महाराष्ट्र संशोधन, उन्नती व प्रशिक्षण प्रबोधिनी (अमृत) या स्वायत्त संस्थेच्या वतीने परभणी येथे १७ ऑगस्ट रोजी भव्य मार्गदर्शन मेळावा पार पडला. खुल्या प्रवर्गातील आर्थिक दृष्ट्या दुर्बल घटकातील युवक-युवती व उद्योजकांना विविध योजनांची माहिती देऊन नोंदणी प्रक्रिया राबविण्यात आली. श्री मंगल कार्यालयात झालेल्या या मेळाव्यास लक्षित गटातील सुमारे ४०० युवक-युवती व लघुउद्योजक उपस्थित होते. या वेळी अमृत पेठबद्दल माहिती देण्यात आली तसेच शंका-निरसन सत्र झाले. या मेळाव्यात अमृत बेकरी प्रशिक्षण, अमृत सूर्य मित्र प्रशिक्षण, एम.सी.ई.डी. व आय.जी.टी.आर. कौशल्य प्रशिक्षण, उद्योग मार्गदर्शन आणि प्रत्यक्ष नोंदणी प्रक्रिया पार पडली.नोंदणीमध्ये अमृत कलश – ३०, आय.जी.टी.आर. – १०, अमृत पेठ – १४, स्वयंरोजगार योजना – ५०, कर्ज व्याज परतावा – १० अशी मोठ्या प्रमाणात नोंदणी झाली. तसेच बँक कर्ज सहाय्य, उच्च शिक्षण मार्गदर्शन व स्पर्धा परीक्षा प्रशिक्षण यांची माहिती देण्यात आली. विविध योजनांचे लाभार्थीही आपले अनुभव या ठिकाणी मांडले.कार्यक्रमाला विशेष कार्यकारी अधिकारी प्रवीण पांडे (अमृत), राज्य समन्वयक दीपक जोशी (अमृत), आर्य वैश्य आर्थिक विकास महामंडळ संघर्ष समिती सचिव ब्रह्मानंद चक्करवार व सामाजिक कार्यकर्ते सुधीर पाटील प्रमुख मार्गदर्शक म्हणून उपस्थित होते.या मेळाव्याला उद्योजक प्रमोद वाकोडकर, अधिवेशन प्रमुख बंडू सराफ (ब्राह्मण समाज), अध्यक्षा सविता अग्रवाल (अखिल भारतीय अग्रवाल समाज महिला शाखा), सामाजिक कार्यकर्ते डॉ. केदार खटिंग तसेच जिल्ह्यातील पदाधिकारी, कार्यकर्ते व समाजबांधव मोठ्या संख्येने उपस्थित होते.
