अध्यक्ष हेमंतराव आडळकर यांच्या हस्ते विशेष गौरव
सेलू जि.परभणी : राज्य सरकारच्या उद्योग विभागाचा निर्यात उत्कृष्टता सुवर्णपदक पुरस्कारप्राप्त, कोहिनूर रोप्स कंपनीचे संचालक रामवल्लभ बाहेती आणि नंदकिशोर बाहेती यांचा सेलू येथील साईबाबा नागरी सहकारी बँकेच्या वतीने गुरुवारी, १६ ऑक्टोबर २०२५ रोजी अध्यक्ष हेमंतराव आडळकर यांच्या हस्ते विशेष सत्कार करण्यात आला. यावेळी उपाध्यक्ष चंद्रशेखर मुळावेकर, संचालक प्रवीण बिनायके, मुख्य कार्यकारी अधिकारी रामराव लाडाने, मुश्ताकभाई, विलास पौळ यांची उपस्थिती होती. ‘कोहिनूर रोप्स’चा हा सलग चौथा पुरस्कार भारताच्या औद्योगिक प्रगतीतील त्यांचे अग्रगण्य स्थान दर्शवतो, अशा शब्दांत श्री.आडळकर यांनी गौरव करीत कंपनीच्या भावी वाटचालीसाठी संचालकांना शुभेच्छा दिल्या.
