प्रशिक्षणातील उपक्रमांत शिक्षकांचा उत्स्फूर्त सहभाग
परभणी : प्रार्थना, चिंतन, सुविचार, चालू घटना घडामोडी, गीत, सुविचार, बोधकथा, प्रश्नमंजुषा आदींसह वैविध्यपूर्ण उपक्रमांचा समावेश असलेल्या शालेय दैनंदिन परिपाठातून विद्यार्थ्यांमध्ये नैतिक मूल्यांची रूजवणूक होत असते. प्रसन्न वातावरणात विद्यार्थ्यांना शिकण्यासाठी प्रेरणा मिळते, असे प्रतिपादन डायटचे वरिष्ठ अधिव्याख्याता तथा प्रशिक्षण समन्वयक डॉ गणेश शिंदे यांनी केले.
येथील जिजाऊ ज्ञानतीर्थ शैक्षणिक संकुल परिसरात वरिष्ठ व निवड वेतन श्रेणी शिक्षकांचे ऑफलाईन प्रशिक्षण सुरू आहे. भारतरत्न डॉ.एपीजी अब्दुल कलाम कुलात बुधवारी, २९ ऑक्टोबर २०२५ रोजी आयोजित परिपाठात प्रमुख पाहुणे म्हणून ते बोलत होते. या वेळी तज्ज्ञ मार्गदर्शक तथा सुलभक महादेव लोखंडे, किशन बनसोडे, दिगंबर गिरी, संदीप आदमाने, प्रभाकर नालंदे यांची प्रमुख उपस्थिती होती.गटप्रमुख बाळासाहेब राखे, बाबासाहेब हेलसकर, अनिल जाधव, डॉ.संतोषकुमार चिद्रवार, जयश्री महामुने, सुभाष धुमाळ, जनाबाई घुले यांनी परिपाठात सहभाग घेतला.
राज्य शैक्षणिक संशोधन व प्रशिक्षण परिषदेचे संचालक डॉ.राहुल रेखावार यांच्या मार्गदर्शनाखाली प्रशिक्षणात परभणी जिल्ह्यातील प्राथमिक, माध्यमिक, उच्च माध्यमिक आणि कला व क्रीडा गटातील एकूण चार गटांत ९६ शिक्षकांचा समावेश आहे. दररोज विविध कुलात दर्जेदार परिपाठ, गटचर्चा होत आहे. शिक्षकांच्या उत्साहपूर्ण सहभागाबद्दल याबद्दल डायटचे प्राचार्य डॉ प्रल्हाद खुणे, प्रशिक्षण समन्वयक वरिष्ठ अधिव्याख्याता डॉ.गणेश शिंदे यांनी प्रशिक्षणार्थीचे कौतुक केले.
