विज्ञान नाट्योत्सवात प्रिन्स इंग्लिश स्कूलचे यश; विद्यार्थ्यांचे कौतुक
सेलू : एल. के. आर. रोडगे प्रिन्स इंग्लिश स्कूलच्या सहावीच्या विद्यार्थ्यांनी सेलू येथील तालुकास्तरीय विज्ञान नाट्य स्पर्धेत तृतीय क्रमांक पटकावला आहे. ‘विज्ञानातील महिला’ या विषयावर सादर केलेल्या नाटकातून विद्यार्थ्यांनी विज्ञान क्षेत्रात महिलांनी दिलेल्या योगदानाचा आणि महिला सक्षमीकरणाचा प्रभावी संदेश दिला. या यशामागे शाळेचे संगीत शिक्षक मिलिंद खंदारे यांनी घेतलेली मेहनत आणि विज्ञान शिक्षक नारायण चौरे व रविशंकर कुमार यांचे मार्गदर्शन महत्त्वाचे ठरले. त्यांच्या मार्गदर्शनाखाली विद्यार्थ्यांनी उत्कृष्ट सादरीकरण करून उपस्थितांची मने जिंकली. विद्यार्थ्यांच्या या कामगिरीबद्दल श्रीराम प्रतिष्ठानचे संस्थापक अध्यक्ष डॉ. संजय रोडगे, सचिव डॉ. सविता रोडगे, प्रशासकीय अधिकारी प्रा. महादेव साबळे, मुख्याध्यापक कार्तिक रत्नाला आणि प्रगती क्षीरसागर यांनी त्यांचे आणि शिक्षकांचे अभिनंदन केले.
