परभणीत पालकमंत्री मेघना साकोरे-बोर्डीकर यांच्या हस्ते गौरव
सेलू : येथील तरुण उद्योजकांनी एकत्र येऊन सुरू केलेल्या गजानन ॲग्रो इंडस्ट्रीला या वर्षीचा जिल्ह्यास्तरीय ‘उत्कृष्ट उद्योग’ म्हणून प्रथम क्रमांक मिळाला आहे. स्वातंत्र्यदिनानिमित्त परभणी येथे झालेल्या मुख्य ध्वजारोहण कार्यक्रमात पालकमंत्री मेघना बोर्डीकर आणि जिल्हाधिकारी रघुनाथ गावडे यांच्या हस्ते या पुरस्काराचे वितरण करण्यात आले.महाराष्ट्र सरकारच्या उद्योग मंत्रालयातर्फे दरवर्षी लघु उद्योगांना प्रोत्साहन देण्यासाठी जिल्ह्यातून प्रथम व द्वितीय असे दोन पुरस्कार दिले जातात. या वर्षी कॉटन सीड, ऑइल आणि केकचे उत्पादन करणाऱ्या गजानन ॲग्रो इंडस्ट्रीजची प्रथम पुरस्कारासाठी निवड झाली. माजी नगराध्यक्ष कै. वसंतराव खारकर यांच्या प्रेरणेने १९ वर्षांपूर्वी या उद्योगाची सुरुवात झाली होती.या वेळी जिल्हा उद्योग केंद्राचे महाव्यवस्थापक अमोल बळे, व्यवस्थापक यंदे, जिल्हा उद्योग संघटनेचे अध्यक्ष ओमप्रकाश डागा, हरिकिशन शर्मा आणि जयंतराव दिग्रसकर हे उपस्थित होते.गजानन ॲग्रो इंडस्ट्रीने उद्योगाच्या माध्यमातून शेकडो लोकांना रोजगार उपलब्ध करून दिला आहे. तसेच, दर्जेदार उत्पादन करून जिल्ह्यात आपली ओळख निर्माण केली आहे. या योगदानाबद्दल गजानन ॲग्रो इंडस्ट्रीचे संचालक तथा श्री केशवराज बाबासाहेब शिक्षण संस्थेचे सचिव महेश वसंतराव खारकर, संचालक रामेश्वर मुरलीधर राठी, आणि संचालक नारायण हरिकीशन शर्मा यांना गौरवण्यात आले. गजानन ॲग्रोला मिळालेल्या या पुरस्काराबद्दल परभणी जिल्ह्यासह विविध स्तरांतून संचालकांचे अभिनंदन होत आहे.फोटो ओळी : सेलू् येथील सेलू येथील गजानन ॲग्रो इंडस्ट्रीजला जिल्ह्यास्तरीय ‘उत्कृष्ट लघु उद्योग’ च्या प्रथम क्रमांकाच्या पुरस्काराने शुक्रवारी पालकमंत्री मेघना बोर्डीकर आणि जिल्हाधिकारी रघुनाथ गावडे यांच्याहस्ते गौरविण्यात आले.पूर्ण…
