सेलू: श्रीराम प्रतिष्ठान संचालित डॉ. राम रोडगे अध्यापक महाविद्यालय, सेलू येथील द्वितीय वर्षातील विद्यार्थी अनुराग रमेश अंबाटी याने नुकत्याच झालेल्या आंतर-महाविद्यालयीन तलवारबाजी स्पर्धेत कांस्यपदक पटकावले आहे.लातूर येथील जयक्रांती अध्यापक महाविद्यालयात स्वामी रामानंद तीर्थ मराठवाडा विद्यापीठांतर्गत ही विभागीय स्पर्धा पार पडली. या स्पर्धेत अनुरागने उत्कृष्ट कामगिरी करत कांस्यपदक जिंकले. या यशाबद्दल त्याची निवड जम्मू येथे होणाऱ्या आंतर-विद्यापीठ स्पर्धेसाठी झाली आहे. या उल्लेखनीय कामगिरीबद्दल श्रीराम प्रतिष्ठानचे अध्यक्ष डॉ. संजय रोडगे, सचिव डॉ. सविता रोडगे, प्रशासकीय अधिकारी प्रा. महादेव साबळे, महाविद्यालयाच्या प्राचार्या डॉ. मिनाक्षी रत्नपारखी आणि महाविद्यालयातील सर्व कर्मचाऱ्यांनी त्याचे अभिनंदन केले असून पुढील वाटचालीस शुभेच्छा दिल्या आहेत.
सेलूत देखाव्यांमधून प्रबोधन अन् थरार
रामबागचा पर्यावरण संदेश; आदर्श व्यापारी मंडळाचा भूत बंगला सेलू : सेलू शहरातील गणेशोत्सवात यंदा विविध मंडळांनी सामाजिक प्रबोधन आणि थरारक...
