नीट, जेईई आणि सीईटी फाऊंडेशन परभणी येथे ध्वजारोहण कार्यक्रम
परभणी : धर्मापुरी येथील ज्ञानसाधना प्रतिष्ठानच्या नीट, जेईई आणि सीईटी फाऊंडेशनच्या वतीने स्वातंत्र्यदिनानिमित्त ध्वजारोहण कार्यक्रमाचे आयोजन करण्यात आले होते. ‘हर घर तिरंगा’ अभियानांतर्गत आयोजित या कार्यक्रमात ज्ञानसाधना प्रतिष्ठानचे अध्यक्ष प्रा. किरण सोनटक्के यांच्या हस्ते ध्वजारोहण करण्यात आले.या वेळी महात्मा गांधी आणि डॉ. बाबासाहेब आंबेडकर यांच्या प्रतिमांचे पूजन करून सामूहिकरित्या ‘महाराष्ट्र गीत’ सादर करण्यात आले. गौरी धामनकर आणि आरुषी कोटे या विद्यार्थिनींनी संविधान, तर गायत्री लाटे आणि रोहिणी हारकळ यांनी प्रतिज्ञा सादर केली. सहावी व सातवीच्या विद्यार्थिनींनी देशभक्तीपर नृत्य सादर केले, तर प्रणिता वरकड, आराध्या राजुरे आणि इशिता राजुरे यांनी भाषणे दिली. अधीक्षक शिक्षक झोडपे यांनी देशभक्तीपर गीत गायले.या कार्यक्रमाला संस्थेच्या सचिव प्रा. शीतल सोनटक्के, समन्वयक आर. जी. पोले, विभागप्रमुख शिंदे, इतबारे, धुळे, परडे, पवार, महिपाल आणि घोगरे यांची प्रमुख उपस्थिती होती.
रायरेश्वर माध्यमिक व उच्च माध्यमिक विद्यालयात स्वातंत्र्यदिन उत्साहात
ज्ञानसाधना प्रतिष्ठानच्या रायरेश्वर माध्यमिक व उच्च माध्यमिक विद्यालयात स्वातंत्र्यदिनानिमित्त ध्वजारोहण कार्यक्रम उत्साहात पार पडला. संस्थेचे अध्यक्ष प्रा. किरण सोनटक्के यांच्या हस्ते ध्वजारोहण करण्यात आले. यावेळी स्काऊट गाईड पथकाने पथसंचलन करून तिरंग्याला मानवंदना दिली. संस्थेच्या सचिव प्रा. शीतल सोनटक्के यांनी स्वातंत्र्यदिनाचे महत्त्व अधोरेखित करत विद्यार्थ्यांना मार्गदर्शन केले. पाचवी ते आठवीच्या विद्यार्थ्यांनी देशभक्तीपर भाषणे, गीते व नृत्य सादर केले. कार्यक्रमाची सांगता सामूहिक ‘पसायदान’ आणि ‘महाराष्ट्र गीत’ गाऊन झाली. कार्यक्रमाला माध्यमिक व उच्च माध्यमिक विभागाचे सर्व समन्वयक, विभागप्रमुख, शिक्षक आणि शिक्षकेतर कर्मचारी उपस्थित होते.
बळीराजा सन्मान योजना शैक्षणिक संकुलात ध्वजारोहण
ज्ञानसाधना प्रतिष्ठान संचलित बळीराजा सन्मान योजना या शैक्षणिक संकुलात स्वातंत्र्यदिनानिमित्त ध्वजारोहण कार्यक्रम आयोजित करण्यात आला होता. या वेळी संस्थाध्यक्ष प्रा. किरण सोनटक्के आणि संस्थेच्या सचिव प्रा. शीतल सोनटक्के यांच्या हस्ते ध्वजारोहण करण्यात आले.यावेळी महात्मा गांधी आणि डॉ. बाबासाहेब आंबेडकर यांच्या प्रतिमांचे पूजन करण्यात आले. या कार्यक्रमात समन्वयक राजुरे, शेळके, डाढाळे, भोपळे, सिद्धेवाड, वरकड आदी उपस्थित होते. ध्वजारोहणानंतर ‘महाराष्ट्र गीत’, ‘संविधान’ आणि ‘प्रतिज्ञा’ सामूहिक स्वरूपात घेण्यात आली. भक्ती पोले आणि शिवम डाके या विद्यार्थ्यांनी देशभक्तीपर गीते सादर केली. कार्यक्रमाच्या यशस्वीतेसाठी सर्व शिक्षक व शिक्षकेतर कर्मचाऱ्यांनी परिश्रम घेतले.
