परभणी ऍस्ट्रॉनॉमिकल सोसायटी आयोजित विज्ञानवारी जिल्हास्तरीय फेरीसाठी निवड
सेलू : येथील नूतन विद्यालयाच्या विद्यार्थ्यांनी परभणी ऍस्ट्रॉनॉमिकल सोसायटीच्या वतीने राष्ट्रीय विज्ञान दिनानिमित्त आयोजित विज्ञानवारी पात्रता पूर्व परीक्षा २०२६ अंतर्गत घेण्यात आलेल्या तालुकास्तरीय परीक्षेत उल्लेखनीय यश संपादन केले आहे. या स्पर्धेतील उत्कृष्ट कामगिरीच्या जोरावर शाळेच्या ३ विद्यार्थ्यांची तृतीय फेरी म्हणजेच लेव्हल-३ जिल्हास्तरीय प्रात्यक्षिक परीक्षेसाठी निवड झाली आहे.विज्ञानवारी सेलू तालुकास्तरीय परीक्षेत सान्वी गजानन शितळे हिने प्रथम क्रमांक, तन्मय जयकिशन भुतडा याने द्वितीय क्रमांक, तर आराध्या नितीन रोडगे हिने तृतीय क्रमांक पटकावून शाळेच्या शिरपेचात मानाचा तुरा रोवला आहे. या यशाबद्दल शाळेत विद्यार्थ्यांचा विशेष सत्कार करण्यात आला. यावेळी मुख्याध्यापक संतोष पाटील, उपमुख्याध्यापक किरण देशपांडे, पर्यवेक्षक शंकर बोधनापोड तसेच उपक्रम समन्वयक मार्गदर्शक शिक्षिका मीरा शेटे उपस्थित होते. विद्यार्थ्यांच्या या उल्लेखनीय यशाबद्दल संस्था अध्यक्ष डॉ. सत्यनारायणजी लोया, सचिव प्राचार्य डॉ. विनायकराव कोठेकर, सहसचिव जयप्रकाशजी बिहाणी आणि प्रशासकीय अधिकारी प्राचार्य डॉ. शरद कुलकर्णी यांनी विद्यार्थ्यांचे, मार्गदर्शक शिक्षकांचे अभिनंदन करून शुभेच्छा दिल्या.
