खगोलप्रेमी मालाणी यांनी टिपली चंद्रग्रहणाची सुरेख छायाचित्रे
सेलू : येथील खगोलशास्त्राचे अभ्यासक तथा खगोलप्रेमी आणि शालेय जीवनापासून छायचित्रणाची आवड जपणारे शिवनारायण रामपालजी मालाणी यांनी रविवारी खग्रास चंद्रग्रहणाची सुंदर छायाचित्रे टिपली आहेत.
चंदगहण, सूर्यग्रहण, धूमकेतू दिसणे, तारे तुटण्याचा भास होणे अशा अनेक खगोलीय घटना ठरावीक कालावधी नंतर आकाशात अनुभवण्यास मिळतात. रविवारी, दि.७ सप्टेंबर रोजी खग्रास चंद्रग्रहण होते. रात्री साडे दहा नंतर चंद्राचा प्रकाशमान भाग अप्रकाशित व्हायला सुरवात झाली. ११ वाजेपर्यंत पर्यंत चंद्राचा पूर्ण भाग अप्रकाशित झाला होता; तसेच या कालावधीत चंद्राच्या अप्रकाशित होत जाणाऱ्या स्थितीची विहंगम दृश्य श्री मालणी यांनी आपल्या मोबाईल कॅमेंऱ्यातून टीपली आहेत. निसर्गातील ही एक खगोलीय घटना आहे. परंतू समाजामध्ये आजही ग्रहणाबाबत अनेक समज-गैरसमज अनुभवास येतात. ग्रहणाबाबत नागरिकांनी शुभ-अशुभ या भावनेतून न पाहाता खगोलीय घटना म्हणून पाहावे अशी प्रतिक्रिया श्री. मालाणी यांनी दिली.
