सेलूतील डॉ.शैलैश मालाणी यांनी केले यशस्वी त्वचा प्रत्यारोपण
सेलू : त्वचेचा पांढरा कोड असणाऱ्या रुग्णांवर नॉन कल्चरल मेलनो साईड ट्रान्सपर्ट म्हणजेच त्वचेला रंग देणाऱ्या पेशींचे प्रत्यारोपण करण्याची यशस्वी शस्त्रक्रिया त्वचारोग तज्ज्ञ डॉ. शैलेश मालाणी यांनी केली आहे. त्यामुळे त्वचेचा पांढरा कोड असणाऱ्या रुग्णांना मोठा दिलासा मिळाला आहे.
याबाबत अधिक माहिती अशी की, त्वचेचा पांढरा कोड असणाऱ्या रुग्णांना दोन वर्षांपासून पांढऱ्या कोडाच्या आकारात वाढ होत नसेल तर अशा रुग्णांचे त्वचा प्रत्यारोपण यशस्वीपणे करता येते. या त्वचा प्रत्यारोपणाची शस्त्रक्रिया एका दिवसात पूर्ण होते, त्यामुळे रुग्णांना हॉस्पिटलमध्ये मुक्कामी थांबण्याचीही आवश्यकता नाही. शस्त्रक्रियेनंतर सहा महिन्यात त्वचेवरील पांढरे कोडाचे डाग नाहीसे होतात. तसेच त्वचेशी संबंधित पंचग्राफ्टींग, स्पीट थीकनेस स्कीन ग्राफ्टींग आणि सक्शन ब्लिस्टर ग्राफ्टिंग या शस्त्रक्रियाही सेलूत होत आहेत, अशी माहिती डॉ. शैलेश शिवणारायण मालाणी यांनी दिली. पांढऱ्या कोडावरील त्वचा प्रत्यारोपणाच्या शस्त्रक्रिया करण्यासाठी विदर्भातील रुग्ण सेलूत येऊन उपचार घेत आहेत. त्यामुळे परभणी जिल्ह्यासह मराठवाड्यातील त्वचेच्या पांढऱ्या कोडाच्या रुग्णांना मोठा दिलासा मिळाला आहे.
