सेलू : येथील नगरपरिषदेकरीता उमेदवारांनी दाखल केलेल्या उमेदवारी अर्जाची छाननी प्रक्रिया मंगळवार, १८ नोव्हेंबररोजी पार पडली. यात नगराध्यक्षपदासाठी दाखल केलेल्या अर्जापैकी नथुराम अंभोरे यांचा तर नगरसेवकपदाचे ८ अर्ज बाद ठरले. त्यामुळे नगराध्यक्ष पदासाठी काही जणांनी एकापेक्षा अनेक उमेदवारी अर्ज दाखल केल्यामुळे ते अर्जही बाद ठरले असून सध्या अध्यक्षपदासाठी निवडणूक रिंगणात विविध पक्षाचे ९ उमेदवारांचे अर्ज वैध आहेत. तर नगरसेवक पदाकरीता विविध पक्षांच्या वतीने दाखल केलेल्या २१५ अर्जापैकी ८ अर्ज बाद ठरले असून प्रत्यक्ष १३ प्रभागातून १४५ उमेदवारांचे अर्ज वैध ठरले आहेत. अर्ज माघारीनंतर लढतीचे अंतिम चित्र स्पष्ट होईल.नगराध्यक्ष पदासाठी प्रमुख पक्षासह अपक्ष असे एकूण ९ उमेदवार रिंगणात आहेत. त्यात अपक्ष उमेदवार अशोक पुंजाजी अंभोरे, अपक्ष भगवान नारायणराव गायकवाड, अपक्ष जितेश सुभाष घायकडक, अपक्ष प्रशांत दगडू ढोले, अपक्ष संजय भास्कर सरोदे, भारतीय राष्ट्रीय काँग्रेसचे आत्माराम बालाजी साळवे, भाजपचे मिलिंद ज्ञानदेव सावंत, अपक्ष भगवानराव लक्ष्मण शिरसाट, अपक्ष सिध्दार्थ अरविंद सोनकांबळे हे नगराध्यक्ष पदासाठी लढत देणार आहेत.उमेदवारी अर्ज परत घेण्याच्या तारखेस यातील काही उमेदवार माघार घेऊ शकतात. त्यामुळे अर्ज माघार घेण्याच्या तारखेनंतर निवडणुकीचे चित्र स्पष्ट होणार आहे. त्यामुळे सगळ्यांचे अर्ज परत घेण्याकडे लक्ष लागले आहे.
मुक्तीसंग्रामातून त्याग, शौर्याची प्रेरणा
प्रा.किरण सोनटक्के यांचे प्रतिपादन, रायरेश्वर विद्यालयात ध्वजारोहण उत्साहात परभणी : जुलमी आणि हुकूमशाही निजाम सत्तेविरोधातील मराठवाडा मुक्तीसंग्रामाचा इतिहास जाज्वल्य आहे....
