आरोग्य तपासणी, उद्योजकता शिबीराला प्रतिसाद
सेलू जि.परभणी : जागतिक महिला दिनानिमित्त सेलू भाजप महिला आघाडी, कृषी उत्पन्न बाजार समिती आणि श्रीराम प्रतिष्ठान यांच्या वतीने रविवारी, ८ मार्च रोजी आरोग्य तपासणी, महिला उद्योजकता शिबिर व सन्मान सोहळा उत्साहात पार पडला.
भाजप माजी जिल्हाध्यक्षा डॉ.मिना परतानी यांच्या हस्ते उद्घाटन झाले. अध्यक्षस्थानी सारिका पारवे होत्या. व्यासपीठावर बाजार समितीचे सभापती डॉ.संजय रोडगे, मनिषा जाधव, डॉ.जयश्री सरकटे, डॉ.अश्विनी चव्हाण, निर्मला लिपणे, जिप सदस्य डॉ.सविता रोडगे, योगिता मोरे, साक्षी साडेगावकर, प्रिती डख, भाजप तालुकाध्यक्ष गणेश काटकर, अजय डासाळकर, रामेश्वर राठी, शैलेश तोष्णीवाल उपस्थित होते. या सोहळ्यात नवनियुक्त महिला लोकप्रतिनिधी आणि कृषी उद्योजक महिलांचा विशेष गौरव करण्यात आला. कार्यक्रमात ७० हून अधिक महिलांनी खाद्य महोत्सवात सहभाग नोंदवला, तर आरोग्य शिबिरात महिलांची मोफत तपासणी करण्यात आली. कृषी अवजारे आणि उद्योजकतेवर मार्गदर्शन करण्यात आले. कार्यक्रमासाठी ज्योती मोगल, संध्या चिटणीस, बबीता ठाकूर, मोनिका देशमुख, उषा ठाकरे, मंगल मुसळे, अनिता महाजन आणि रुपा ठाकूर यांनी परिश्रम घेतले.***
