सेलू : गौरव सेवाभावी संस्था संचलित यासेर उर्दू प्राथमिक शाळेत जागतिक महिला दिन उत्साहात साजरा करण्यात आला.
या कार्यक्रमात विद्यार्थ्यांनी जागतिक पातळीवर उत्कृष्ट कार्य करणाऱ्या थोर महिलांबद्दल माहिती सादर केली. विविध वर्गांतील विद्यार्थिनींनी राजमाता जिजाऊ, अहिल्यादेवी होळकर, माता रमाई, सिंधुताई सपकाळ, बेगम हजरत महल, सावित्रीबाई फुले, फातिमा शेख, मेरी कॉम, कल्पना चावला, राणी लक्ष्मीबाई, इंदिरा गांधी, पंडिता रमाबाई, सरोजिनी नायडू, अरुणा आसेफ अली, मदर टेरेसा आणि सानिया मिर्झा अशा कर्तृत्ववान महिलांच्या जीवनकार्यावर प्रकाश टाकला.कार्यक्रमाची सुरुवात मुख्याध्यापक जावेद खान फेरोज खान पठाण यांच्या मार्गदर्शनाने झाली. त्यांनी महिलांचे कार्य आणि त्यांचा सन्मान या विषयावर विद्यार्थ्यांना संबोधित केले. या कार्यक्रमाच्या यशस्वीतेसाठी सय्यद अजीम, सय्यद अमन, शेख साजिद, शोएब अन्सारी या शिक्षकांनी विशेष परिश्रम घेतले.
