ग्रामपंचायत कार्यालयात प्रतिमेचे पूजन; मान्यवरांकडून महाराणा प्रताप यांच्या शौर्याला अभिवादन
रांजणी : घनसावंगी तालुक्यातील रांजणी येथील ग्रामपंचायत कार्यालयामध्ये वीर शिरोमणी महाराणा प्रताप यांची जयंती उत्साहात साजरी करण्यात आली. कार्यक्रमाच्या सुरुवातीला महाराणा प्रताप यांच्या प्रतिमेचे पूजन करून त्यांना विनम्र अभिवादन करण्यात आले.
यावेळी सेवानिवृत्त मुख्याध्यापक विजयकुमार खुळे यांनी महाराणा प्रताप यांच्या जीवनकार्यावर प्रकाश टाकला. ते म्हणाले की, संपूर्ण भारतात महाराणा प्रताप यांचे नाव अत्यंत सन्मानाने घेतले जाते. अनेक लोकगीतांतून त्यांच्या शौर्याच्या कथा आजही गायल्या जातात. आपल्या मातृभूमीच्या रक्षणासाठी प्राणांची आहुती देणाऱ्या महाराणा प्रताप यांचे नाव इतिहासात सुवर्ण अक्षरांनी नोंदवले गेले आहे, असेही त्यांनी नमूद केले.या प्रसंगी उपसरपंच शेख रहिम, विजयकुमार खुळे, नंदूसिंग तौर, उद्धव सिंग ठाकूर, विलास सिंग सीकरवार, मुरली सिंग राजपूत, अमोल ठाकूर, महावीर ठाकूर, प्रथमेश जनकवार, विश्वजीत ठाकूर, पांडुरंग मांडवे, सारंगधर वरखडे, तुळशीराम जाधव, संतोष गोसावी, सहदेव लगामे यांच्यासह समाज बांधव मोठ्या संख्येने उपस्थित होते. महाराणा प्रताप यांच्या जयघोषाने
