आरती शेळके, वैष्णवी कुबडे सर्वप्रथम; प्रवेश प्रक्रिया सुरू
परभणी : महाराष्ट्र राज्य तंत्र शिक्षण मंडळ मुंबईच्या वतीने घेण्यात आलेल्या औषधनिर्माणशास्त्र पदविका अभ्यासक्रम उन्हाळी परीक्षा २०२६ चा निकाल जाहीर झाला आहे. यात ज्ञानसाधना प्रतिष्ठान परभणी संचलित ज्ञानसाधना कॉलेज ऑफ फार्मसी व ज्ञानसाधना इन्स्टिट्यूट ऑफ फार्मसी महाविद्यालयाचा निकाल ९७ टक्के लागला आहे.
ज्ञानसाधना इन्स्टिट्यूट ऑफ फार्मसी महाविद्यालयातून आरती शेळके (८३.१८ टक्के), शारदा खापरे (८३.०९ टक्के) तर मीनाक्षी खापरे (८३.०० टक्के) यांनी अनुक्रमे प्रथम, द्वितीय आणि तृतीय क्रमांक पटकावला. ज्ञानसाधना कॉलेज ऑफ फार्मसी महाविद्यालयातून वैष्णवी कुबडे (८०.३६ टक्के), आसमा शेख (७६.७३ टक्के) आणि सानिका राऊत (७६.३६ टक्के) यांनी अनुक्रमे प्रथम, द्वितीय व तृतीय स्थान मिळवून उत्तीर्ण होण्याचा मान मिळवला. या यशाबद्दल प्रतिष्ठानचे अध्यक्ष प्रा. किरण सोनटक्के, सचिव प्रा.शितल सोनटक्के, समन्वयक डी. व्ही. सूर्यवंशी, प्राचार्य डॉ. एम. डी. सलाउद्दीन, उपप्राचार्य डॉ. एन. व्ही. क्षीरसागर, विभागप्रमुख सौ. ए. ए. नजन, विभागप्रमुख डॉ. पी. एन. काळे, परीक्षा प्रमुख प्रा. एस. एस. वाळके व प्रा. आर. बी. शेप यांच्यासह सर्व प्राध्यापक आणि कर्मचाऱ्यांनी अभिनंदन केले आहे. दरम्यान, महाविद्यालयात शैक्षणिक वर्ष २०२६-२७ साठी डी. फार्मसी, बी. फार्मसी आणि एम. फार्मसी अभ्यासक्रमाची प्रवेश प्रक्रिया सुरू झाली असून इच्छुकांनी संपर्क साधण्याचे आवाहन करण्यात आले आहे.
