योगाचार्य संतोष दडके यांचे आवाहन, ज्ञानसाधना फाउंडेशनमध्ये योग दिन उत्साहात
परभणी : धर्मापुरी येथील ज्ञानसाधना नीट आणि जेईई फाऊंडेशनमध्ये आंतरराष्ट्रीय योग दिनानिमित्त रविवारी, २१ जून रोजी विशेष योग व प्राणायाम कार्यक्रमाचे आयोजन करण्यात आले होते. कार्यक्रमाच्या अध्यक्षस्थानी संस्थेचे प्रा. किरण सोनटक्के होते, तर प्रमुख पाहुणे म्हणून सचिव प्रा. शितल सोनटक्के व योगाचार्य संतोष दडके उपस्थित होते.
प्रास्ताविकात आर. एन. इतबारे यांनी योग दिनाचे महत्त्व सांगितले. मार्गदर्शनात संतोष दडके यांनी निरोगी जीवनशैली, मानसिक स्थैर्य आणि अभ्यासातील एकाग्रता वाढवण्यासाठी नियमित योगासने व प्राणायाम करण्याचे आवाहन विद्यार्थ्यांना केले.याप्रसंगी विद्यार्थ्यांनी विविध योगासनांची प्रात्यक्षिके सादर केली. कार्यक्रमाला श्री. आर. जी.पोले, एस.डी.धुळे , अश्विनी घोगरे आणि श्री.कनकापुरे यांची प्रमुख उपस्थिती होती. सूत्रसंचालन प्रा. पी. व्ही. कदम यांनी केले, तर आभार के.डी. शिंदे यांनी मानले. कार्यक्रम यशस्वी करण्यासाठी संस्थेच्या सर्व शिक्षक आणि कर्मचारीवृंदाने विशेष परिश्रम घेतले.
