वारकऱ्यांच्या आरोग्यसेवेसाठी महाराष्ट्रातील डॉक्टरांचे फिरते रूग्णालय, शिवसेना डॉक्टर्स सेलचा उपक्रम
सेलू : आळंदी ते पंढरपूर आषाढी वारीमध्ये वारकऱ्यांना चोख वैद्यकीय सेवा देण्याच्या उद्देशाने धन्वंतरी ज्ञानाई डॉक्टरांच्या वारकरी दिंडी अंतर्गत फिरत्या रूग्णालयाच्या दुसऱ्या वर्षाचे दिमाखात प्रस्थान झाले. सेलू येथील साई नाट्य मंदिरात आय़ोजित संवाद मेळाव्यात शुक्रवारी, ३ जुलै २०२६ रोजी विविध क्षेत्रातील मान्यवरांच्या प्रमुख उपस्थितीत दिंडीच्या फलकाचा अनावरण सोहळा पार पडला.
नामफलक अनावरण सोहळ्याप्रसंगी खासदार संजय जाधव, माजी आमदार हरिभाऊ काका लहाने, माजी खासदार सुरेश जाधव, जिल्हाप्रमुख आनंद भरोसे, लोकसभा संपर्क प्रमुख राजू कापसे, माजी जिल्हाप्रमुख भास्कर लंगोटे, विनायक खंडागळे, महिला आघाडीच्या जिल्हाप्रमुख सखूबाई लटपटे, मंगल कथले, पंडितराव आरगुले, रणजित गजमल, उपजिल्हा प्रमुख बाबा काटकर, न.प. गटनेते संदीप लहाने, नगरसेवक डॉ. अनिकेत जोगदंड, नगरसेविका अनुपमा देवधर आणि सपना काळेतसेच आयोजक डॉ.अनिकेत जोगदंड यांची उपस्थिती होती. यासोबतच सर्व सन्माननीय नगरसेवक, पदाधिकारी आणि शिवसैनिक मोठ्या संख्येने उपस्थित होते.
वैद्यकीय क्षेत्रातून सेलू डॉक्टर असोसिएशनचे पदाधिकारी आणि सदस्य डॉ. सुबोध माकोडे, डॉ. शेषनारायण केवारे, डॉ. बाळासाहेब जाधव, डॉ. सोमेश्वर गजमल, डॉ. आशिष मेहता, डॉ. परेश विनायके, डॉ. सचिन काळे, डॉ. पुरी, डॉ. सासवडे, डॉ. मोरे, डॉ. अनुराग जोगदंड, प्रदीप पवार, संतोष पडोळे, अर्जुन डख, अभिजीत दळवे, अभय वाकणकर, अमोल डासाळकर, जिजा डख आणि नागेश कदम उपस्थित होते. या उपक्रमाचे मुख्य आयोजक शिवसेना नगरसेवक तथा प्रदेश उपप्रमुख शिवसेना डॉक्टर सेल महाराष्ट्र राज्य डॉ. अनिकेत जोगदंड, जिल्हाप्रमुख डॉ. विश्वंभर देशमुख आणि होमिओपॅथिक विंग प्रमुख डॉ. प्रभाकर आवचार यांच्यासह परभणी जिल्हा डॉक्टर सेलचे सर्व पदाधिकारी व विलास काळे या सोहळ्याला उपस्थित होते. वारीच्या काळात वारकऱ्यांना चोख वैद्यकीय सेवा देण्याचा संकल्प यावेळी डॉक्टरांनी व्यक्त केला.
