विरळ केस झालेल्या रुग्णांना मोठा दिलासा
सेलू : येथील मायस्कीन हॉस्पिटलचे संचालक व त्वचाविकारतज्ज्ञ डॉ. शैलेश मालाणी आणि हैदराबाद येथील डॉ. निशांत जैन यांच्या टीमने केश प्रत्यारोपणाची (हेअर ट्रान्सप्लांट) यशस्वी शस्त्रक्रिया केली आहे. यामुळे अकाली केस विरळ होऊन टक्कल पडणाऱ्या रुग्णांना पूर्वीप्रमाणे केसांची नैसर्गिक वाढ होऊ शकते, असा विश्वास निर्माण झाला आहे.
या शस्त्रक्रियेसाठी ‘फॉलिक्युलर युनिट एक्स्ट्रॅक्शन’ (FUE) या आधुनिक उपचार पद्धतीचा अवलंब करण्यात आला असून, या प्रक्रियेसाठी साधारणपणे ५ ते ६ तासांचा वेळ लागतो. शस्त्रक्रियेनंतर रुग्णांच्या केसांची नैसर्गिक पद्धतीने वाढ होते. ‘डोनर’ भागात जसे मूळ केस असतात, त्याचप्रमाणे प्रत्यारोपण केलेल्या भागातही केस येतात.या केसांची पूर्ण वाढ व विकास होण्यासाठी ६ ते ८ महिन्यांचा कालावधी लागतो. त्यानंतर नियमित व सामान्यपणे केस कापता (केशकर्तन करता) येतात. आतापर्यंत सेलूत अशा चार रुग्णांवर यशस्वी शस्त्रक्रिया करण्यात आल्याची माहिती डॉ. शैलेश मालाणी यांनी दिली.
