सेलू नगरपालिकेच्या स्थायी व विषय समितीच्या निवडी बिनविरोध
गणेश सवणे, मनिष कदम, साईराज बोराडे, गयाबाई सोनवणे, शिला काजळे यांची वर्णी
सेलू : सेलू नगरपालिकेच्या स्थायी व विषय समिती निवडीसाठी शुक्रवारी, २३ रोजी पालिकेच्या सभागृहात विशेष सभेचे आयोजन करण्यात आले होते. नगराध्यक्ष मिलिंद सावंत यांच्या उपस्थितीत आणि पीठासीन अधिकारी उपजिल्हाधिकारी शोभादेवी जाधव यांच्या अध्यक्षतेखाली ही निवड प्रक्रिया पार पडली. यावेळी सहाय्यक पीठासीन अधिकारी म्हणून मुख्याधिकारी तुकाराम कदम, उपमुख्याध्याधिकारी भगवान चव्हाण यांच्यासह सर्व नगरसेवक उपस्थित होते. सर्व निव़डी बिनविरोध पार पडल्या आहेत.
यात नियोजन व विकास सभापती म्हणून गणेश दत्तराव सवणे यांची निवड करण्यात आली. या समितीच्या सदस्यपदी अशोक काकडे, दिपक कोल्हाळ, सफिया बेगम अब्दुल रशीद, महानंदा आडळकर आणि अनुपमा देवधर यांचा समावेश आहे. सार्वजनिक बांधकाम सभापतीपदी मनिष कदम यांची निवड झाली असून, दिपक कोल्हाळ, विनोद बोराडे, सफिया बेगम अब्दुल रशीद, पवन आडळकर व संदीप लहाने हे सदस्य असतील. शिक्षण, क्रीडा व सांस्कृतिक सभापतीपदी मिलिंद मुकुंदराव पवार यांची निवड झाली असून सदस्य म्हणून विनोद धापसे, अन्वरखा पठाण तडवी, कमल झमकडे, आशा पहाडे व सपना काळे यांची निवड झाली.
स्वच्छता, वैद्यक व आरोग्य सभापतीपदी साईराज मुकेश बोराडे यांची निवड झाली असून शांताबाई रघुवंशी, सुनिता काकडे, हेमंतराव आडळकर, विनोद धापसे व अनुपमा देवधर हे सदस्य म्हणून काम पाहतील. पाणीपुरवठा सभापतीपदी गयाबाई विठ्ठलराव सोनवणे यांची निवड झाली असून अन्वरखा पठाण तडवी, कमल झमकडे, पवन आडळकर, प्रविणा पवार व डॉ. अनिकेत जोगदंड हे सदस्य असतील. महिला व बालकल्याण समिती सभापतीपदी शिला रामेश्वर काजळे तर उपसभापतीपदी आशा पहाडे यांची निवड करण्यात आली असून सदस्य म्हणून शेख रहेमा बेगम शेख शफीक, महानंदा आडळकर, प्रविणा पवार व सपना काळे यांचा समावेश आहे.
स्थायी समितीच्या अध्यक्षपदी पदसिद्ध नगराध्यक्ष मिलिंद सावंत तर उपाध्यक्षपदी साईराज बोराडे यांची निवड झाली. सदस्य म्हणून प्रभाकर सुरवसे, रहेमत अली अजीज अली पठाण तडवी, मालनबी अफसरखा पठाण यांच्यासह सर्व समिती सभापतींचा यात समावेश आहे.
