राष्ट्रीय एकात्मतेचा संदेश, उपस्थित हिंदू मुस्लिम बांधवांना मिठाईचा आस्वाद
वाशिम : मंगरूळपीर येथील बिलाल नगर येथे ईद मिलन महंमद पैगंबर यांच्या आठवणीत राष्ट्रीय एकात्मता चा संदेश मुशायऱ्याच्या माध्यमातून देण्यात आला. यावेळी बहुसंख्य हिंदू मुस्लिम बांधव उपस्थित होते.
कार्यक्रमात मंगरूळपीर शहराचे नगराध्यक्ष अशोकभाऊ परळीकर, चंदूभाऊ परळीकर, न. प. सदस्य तसेच वाशिम राष्ट्रवादी जिल्हाध्यक्ष चंद्रकांतदादा ठाकरे आणि त्यांचे सर्व मित्र परिवार उपस्थित झाला होता.सदर कार्यक्रमात नगराध्यक्ष अशोकभाऊ परळीकर व वाशिम जिल्हा अध्यक्ष चंद्रकांतदाद ठाकरे यांनी समाजाला अशा कार्यक्रमाची खूप आवश्यकता आहे. यामुळे हिंदू मुस्लिम बांधवांमध्ये राष्ट्रीय एकात्मता चा संदेश मिळतो एकतेला बळ मिळते, असे प्रतिपादन केले. तसेच उपस्थितांना अकबर ताज खंडवा मुस्तगी मर्शद पुणे साबीर बसमती ,सुरखान नजर खालीद अन्सारी बऱ्हाणपूर इकबाल निजामी इस्माईल अता अकोला अब्दुल समद जकी खालेक सहर शकील अहमद शकील मेहताब आलम खान मेहता इत्यादी कवींनी आपल्या कवितेच्या माध्यमातून राष्ट्रीय एकात्मतेचा संदेश दिला.
या कार्यक्रमाचे सूत्रसंचालन मंगरूळपीर येथील प्रसिद्ध कवी अकील अहमद तर आभार प्रदर्शन मीर आशिक अली यांनी केले.उपस्थित सर्व मुस्लिम बांधवांना मिठाई देऊन एकतेचा गोडवा निर्माण केला शहरातून सामाजिक कार्यकर्ते मीर आशिक अली यांच्या आयोजनाचे कौतुक केल्या जात आहे
वार्तांकन : फुलचंद भगत
