डॉ.संजय रोडगे यांच्या पुढाकाराने उपक्रम; चार वर्षांची परंपरा
सेलू : भारतीय जनता पार्टी आणि कृषी उत्पन्न बाजार समिती सेलूचे सभापती डॉ. संजय रोडगे यांच्या मार्गदर्शनाखाली रवळगाव जिल्हा परिषद सर्कलमध्ये नवरात्र निमित्ताने ‘आई महोत्सव’ मोठ्या भक्तिभावाने साजरा केला जात आहे. या उपक्रमांतर्गत मागील चार वर्षांपासून दरवर्षी हजारो महिलांना मंठा देवीचे दर्शन घडवून आणले जाते. यंदाही सोमवारी गोहेगाव, लाडनांद्रा आणि शिराळा येथील सुमारे आठशे महिलांनी दर्शनाचा लाभ घेतला. दर्शनानंतर सर्व महिलांना प्रसादरूपाने फराळाचे वाटप तसेच देवीचा आशीर्वादस्वरूप फोटो भेट देण्यात आले. या वेळी कृषी उत्पन्न बाजार समितीचे संचालक ॲड.दत्तराव कदम, सुरेंद्र तोष्णीवाल, प्रकाश बप्पा गजमल, प्रभाकर गजमल, संजय गटकळ, उद्धव खेडेकर, दत्तराव लाटे, अशोक चाळके, राधाकिसन जावळे, जगन्नाथराव गटकळ, तुळशीराम गटकळ, बाळासाहेब गटकळ, गजानन गोरे, उद्धव माने, मुगाची चौरे, दत्ता गाते, सुभाष गायकवाड, सदाभाऊ गंनगे, वसंतराव खेडेकर आणि कुणाल बुरेवार आदींची उपस्थिती होती.
