आमदार डॉ. राहुल पाटील यांच्या उपस्थितीत २० हून अधिक तंत्रज्ञांचा प्रवेश
परभणी : आमदार डॉ. राहुल पाटील यांच्या नेतृत्वावर विश्वास ठेवत महावितरणमधील विविध संघटनांतील अनेक तंत्रज्ञांनी ‘महाराष्ट्र राज्य वीज कर्मचारी अधिकारी अभियंता सेना’ या संघटनेत मंगळवारी, ४ ऑगस्ट रोजी प्रवेश केला आहे.
आमदार डॉ. राहुल पाटील हे महाराष्ट्र राज्य वीज कर्मचारी अधिकारी अभियंता सेनेचे कार्याध्यक्ष आहेत. त्यांच्या नेतृत्वाखाली राज्यभरात संघटनेची बांधणी सुरू असून विविध संघटनांतील अधिकारी व पदाधिकारी पक्षात प्रवेश करत आहेत. मंगळवारी परभणीत विविध संघटनांतील २० हून अधिक तंत्रज्ञांनी आमदार डॉ. पाटील यांच्या उपस्थितीत संघटनेत प्रवेश केला. या वेळी आमदार डॉ. पाटील यांनी सर्व नवप्रवेशितांचे स्वागत केले. वीज कर्मचाऱ्यांवर होणारा अन्याय आणि त्यांच्या प्रश्नांवर संघटना नेहमीच कटिबद्ध राहून काम करत आहे, असे या वेळी नमूद करण्यात आले.या प्रसंगी राजेश डुब्बे, दत्ता जाधव, संतोष लोखंडे, संतोष बर्वे, विशाल जाधव, प्रसाद सिंगणापूरकर, मुख्य संघटक जीवन मुगळीकर, रमाकांत गायकवाड, अभिजीत कुलकर्णी आणि के. डी. धर्माधिकारी आदींची उपस्थिती होती.
