सेलू : सेलू येथील नूतन विद्यालय शिक्षण संस्था, नूतन विद्यालय व योगासन स्पोर्ट्स असोसिएशन यांच्या संयुक्त विद्यमाने रविवार, २१ जून रोजी आंतरराष्ट्रीय योग दिन साजरा करण्यात आला.
अध्यक्षस्थानी संस्थेचे अध्यक्ष डॉ.एस.एम.लोया होते. यावेळी सचिव प्राचार्य डॉ.विनायकराव कोठेकर, गटविकास अधिकारी उदय जाधव, पोलीस निरीक्षक अरूण नागरे, गटशिक्षणाधिकारी गजानन वाघमारे, डॉ. शरद कुलकर्णी, देविदास सोन्नेकर, नरेंद्र पाटील, उल्हास पांडे व परसराम कपाटे यांची प्रमुख उपस्थिती होती.याप्रसंगी राष्ट्रीय योगासन स्पर्धेत प्राविण्यप्राप्त शिल्पा बरडे, प्रतिज्ञा चव्हाण, सुश्मिता भरदम, लक्ष्मीकांत फटाले, शौर्य फटाले, सान्वी झाल्टे, काव्या राजवाडकर, आशिका खराटे, ईश्वरी गाजरे, आराध्या भूजबळ, आराध्या आकाशे आणि आदीश्री आकाशे यांचा सत्कार करण्यात आला. योग साधना मन व मेंदूला सकारात्मक ऊर्जा देते, असे प्रतिपादन गजानन वाघमारे यांनी केले. प्रास्ताविक संतोष पाटील यांनी, सूत्रसंचालन गणेश माळवे व प्रशांत नाईक यांनी, तर आभार प्रदर्शन किरण देशपांडे यांनी केले. आयोजन यशस्वीतेसाठी शंकर बोधनापोड, किशोर ढोके, संजय भूमकर, डॉ.सुरेश हिवाळे, बाळू बुधवंत, बाबासाहेब गोरे आदींनी पुढाकार घेतला.
