आमदार डॉ. राहुल पाटील यांच्या हस्ते उद्घाटन; रचना नगर ते आर.पी. हॉस्पिटल मार्गावर धावणार बस
परभणी : परभणी येथील आर.पी. हॉस्पिटल अँड रिसर्च इन्स्टिट्यूटने रुग्णसेवेच्या उद्देशाने आणि रुग्णांची गैरसोय टाळण्यासाठी शहरातील उघडा महादेव परिसरातील रचना नगर येथून मोफत बस सेवेचा शुभारंभ आमदार डॉ. राहुल पाटील यांच्या हस्ते सोमवार, दि. २७ जुलै रोजी करण्यात आला. यापूर्वी परभणी बसस्थानक ते आर.पी. हॉस्पिटल अशी रुग्ण आणि नातेवाइकांसाठी मोफत बस सेवा सुरू आहे.
नव्याने सुरू करण्यात आलेली मोफत बस उघडा महादेव परिसरातील रचना नगर येथून सकाळी १० वाजता निघणार आहे. त्यानंतर उघडा महादेव मंदिर १०.१५, देशमुख हॉटेल १०.३०, हडको कॉर्नर १०.४५, सारनाथ कॉलनी पाटी ११.००, खंडोबा बाजार ११.१५, अपना कॉर्नर ११.३०, पारदेश्वर मंदिर ११.४५ या मार्गे ही बस आर. पी. हॉस्पिटल येथे जाणार आहे. परतीच्या प्रवासात ही बस आर. पी. हॉस्पिटल येथून दुपारी ४ वाजता निघून याच मार्गाने परत येणार आहे.यापूर्वी खानापूर फाटा-वसमत रोड- बस स्थानक मार्गे मोफत बस सेवा सुरू आहे. या बसला रुग्णांचा उत्तम प्रतिसाद मिळत आहे. आर.पी. हॉस्पिटलचे प्रमुख आणि आमदार डॉ. राहुल पाटील यांनी या उपक्रमाबद्दल सांगितले, रुग्णांना वेळेवर आणि मोफत वैद्यकीय सेवा मिळावी, यासाठी आम्ही कटिबद्ध आहोत. मोफत बस सेवेमुळे ग्रामीण भागातील रुग्णांना हॉस्पिटलपर्यंत पोहोचणे सोयीचे होईल आणि त्यांचा उपचाराचा प्रवास सुखकर होईल. मोफत तपासणी आणि परवडणाऱ्या दरातील वैद्यकीय सुविधांमुळे प्रत्येक रुग्णाला दर्जेदार उपचार मिळतील असे आमदार पाटील यांनी सांगितले.यावेळी महानगरप्रमुख डॉ. विवेक नावंदर, महापौर सय्यद इकबाल, सभागृह नेता माजु लाला, नगरसेवक बबलू घागरमाळे, अरविंद देशमुख, रामराव डोंगरे, संदीप झाडे, दिनेश बोबडे, सुनील पंढरकर, अमित भालेराव, राहुल खटींग, बाळराजे तळेकर, विशू डहाळे, शिवलिंग बोधने, विशाल तळेकर, सुशील नर्सीकर, शुभम गिरी, गोपाळ कदम, शिवा माटोरे, धनराज चव्हाण, इरफान काजी, विवेक ढवळे, अब्दुल्ला राज, असलम शेख, जाँबाज खान, तुराब खान, आनंद हत्तीअंबीरे, देवांश चिटकरे, सुमेध घागरमाळे, गणेश मोरे, प्रल्हाद देवढे, संदीप पांगरकर, मकरंद कुलकर्णी, दामोधर सानप आदिसह शिवसैनिक, युवासैनिक मोठ्या संख्येने उपस्थित होते.
