स्वरांजली परिवारच्यावतीने गीत संगीताचा नजराणा
सेलू : येथील स्वरांजली परिवाराच्या वतीने नूतन विद्यालयाच्या रा. ब. गिल्डा सभागृहात नुकताच नव्या-जुन्या हिंदी-मराठी सदाबहार गीतांचा कार्यक्रम सादर करण्यात आला. स्थानिक कलावंतांनी एकाहून एक सरस गीते सादर करून सेलूकरांना मंत्रमुग्ध केले.कार्यक्रमाची सुरुवात मान्यवरांच्या हस्ते सरस्वती पूजनाने झाली. याप्रसंगी पूजा तोडकर यांनी ‘जय शारदे वागीश्वरी’ हे गीत सादर केले. तसेच गंगाधर कान्हेकर, प्रीती सराफ, मनीषा पांडे, उल्हास पांडे, डॉ. राजेंद्र मुळावेकर, प्रीती राठी, देवांश तोडकर, डॉ. माधुरी कामखेडे, सच्चिदानंद डाखोरे, दीपक देवा, संजय मंडलिक, डॉ. विलास मोरे, सतीश ताठे या कलाकारांनी ‘चांद सी महबुबा’, ‘मोह मोह के धागे’, ‘दिल दिवाना’, ‘चंदन सा बदन’, ‘ये राते ये मौसम’, ‘सावन का महिना’, ‘रेशमाच्या रेघांनी’, ‘मुसाफिर हू यारो’, ‘अजीब दास्ता है ये’, ‘पहिले न मी तुला’, ‘कोई रोको ना’, ‘दिल की नजर से’, ‘फिजा भी है जवा जवा’, ‘आरी आजा निंदिया’, ‘ए मेरे दिल कहीं ओर चल’, ‘ओ मेरी महबूबा’, ‘देखो रूठा ना करो’, ‘तु ही मेरी शब है’, ‘ये दोस्ती’ आणि ‘ग साजने’ यांसारखी गाणी सादर करून उपस्थितांना मंत्रमुग्ध केले.या कार्यक्रमाला प्राचार्य डॉ. विनायक कोठेकर, गोविंदभाऊ जोशी, रामराव रोडगे, प्राचार्य डॉ. शरद कुलकर्णी, ॲड. सुभेदार, महेश खारकर यांची प्रमुख उपस्थिती होती.अखिल भारतीय गांधर्व महाविद्यालय मंडळाच्या वतीने पंडित विष्णू दिगंबर पलुस्कर कला गौरव पुरस्कार जाहीर झालेले यशवंत चारठाणकर यांचा स्वरांजली परिवार आणि श्रुती संगीत विद्यालय, सेलू यांच्या वतीने मान्यवरांच्या हस्ते सत्कार करण्यात आला.संयोजक रवी कुलकर्णी यांनी प्रास्ताविक केले. रवी मुळावेकर, केशव डहाळे, अरुण रामपूरकर, कृष्णा आळणे यांनी कार्यक्रमासाठी सहकार्य केले. यावेळी मोठ्या संख्येने रसिक उपस्थित होते.
