सेलू : राष्ट्रीय स्वयंसेवक संघ, सेलू तालुक्याच्या वतीने विजयादशमी उत्सव व पथसंचलनाचा कार्यक्रम रविवारी, पाच ऑक्टोबररोजी उत्साहात पार पडला. या कार्यक्रमात स्वयंसेवक, संघ कार्यकर्ते आणि नागरिक मोठ्या संख्येने उपस्थित होते. या उत्सवासाठी प्रमुख वक्ते म्हणून देवनी प्रांत कार्यालय प्रमुख सचिन कोळशेकर यांनी मार्गदर्शन केले, तर लिंपणे हॉस्पिटल, सेलू येथील डॉ. नितीन लिंपणे हे प्रमुख अतिथी म्हणून उपस्थित होते. आपल्या भाषणात श्री. कोळशेकर यांनी हिंदू समाजातील एकता, शिस्त आणि राष्ट्रनिर्माणासाठी स्वयंसेवकांच्या कार्याचे महत्त्व अधोरेखित केले. विजयादशमी हा राष्ट्रीय स्वयंसेवक संघाचा स्थापना दिवस असल्याने देशभरातील शाखांमध्ये हा विशेष उत्सव साजरा केला जातो.
कार्यक्रमाची सुरुवात सकाळी ११ वाजता पथसंचलनाने झाली. यानंतर दुपारी ०१ वाजता श्रीकेशवराज बाबासाहेब मंदिर, सेलू येथे मुख्य उत्सवाची बैठक घेण्यात आली. संपूर्ण कार्यक्रमात स्वयंसेवकांनी शिस्तबद्ध पथसंचलन केले, ज्यामुळे परिसर राष्ट्रगीत आणि संघगीताच्या ध्वनीने दुमदुमला. कार्यक्रमाचे आयोजन सेलू तालुका कार्यवाह विकास नारायणराव पिंगळे यांनी केले.
