मुख्यमंत्री समृद्ध पंचायतराज अभियानाअंतर्गत आरोग्य उपकेंद्रात ग्रामपंचायतचा उपक्रम
सेलू : मुख्यमंत्री समृद्ध पंचायतराज अभियानाअंतर्गत प्राथमिक आरोग्य केंद्र देऊळगाव गात अंतर्गत असलेल्या शिंदेटाकळी (ता. सेलू) येथील आरोग्य उपकेंद्रामध्ये ग्रामपंचायत शिंदेटाकळीच्या वतीने एक महत्त्वपूर्ण आरोग्य शिबिर आयोजित करण्यात आले होते. गुरुवार, ४ डिसेंबर रोजी ‘ॲनिमिया मुक्त गाव’ या संकल्पनेनुसार गावातील दहा वर्षांवरील मुली आणि महिलांची रक्तद्रव (हिमोग्लोबिन – एचबी) चाचणी करण्यात आली.ॲनिमिया (रक्तक्षय) मुक्तीसाठी समाजात जागृती निर्माण करण्याच्या उद्देशाने ग्रामपंचायत शिंदेटाकळीने हा स्तुत्य उपक्रम हाती घेतला. या चाचणीमुळे महिला आणि मुलींमधील रक्तक्षयाची स्थिती वेळीच ओळखून त्यांना योग्य उपचार व मार्गदर्शन करणे शक्य होणार आहे.याप्रसंगी ग्रामपंचायत शिंदेटाकळीच्या सरपंच सौ. आश्विनी कैलास पवार, सी.एच.ओ. देशमुख, एम.पी.डब्ल्यू. केंद्रे, आरोग्य सेविका समिती गावित, अनुज डक, आरोग्य सेवक अशोक राऊत, तसेच आशा सेविका, कैलास बाबासाहेब पवार व असंख्य गावकरी उपस्थित होते. उपस्थित मान्यवरांनी या उपक्रमाचे महत्त्व स्पष्ट करून महिलांना व मुलींना आपल्या आरोग्याची काळजी घेण्याचे आवाहन केले.
