२८५ पैकी २७४ (९६.१४ टक्के) विद्यार्थिनी उत्तीर्ण, मैथिली गावंडे ९९.२० टक्के गुणांसह सर्वप्रथम
सेलू : नूतन विद्यालय शिक्षण संस्था सेलू संचालित श्रीमती लक्ष्मीबाई लालजी रामजी नूतन कन्या प्रशाला सेलू या शाळेने मार्च २०२६ च्या माध्यमिक शालांत प्रमाणपत्र (एसएससी) परीक्षेत आपल्या यशाची उज्ज्वल परंपरा कायम राखत उल्लेखनीय यश संपादन केले आहे. महाराष्ट्र राज्य माध्यमिक शिक्षण मंडळाच्या वतीने घेण्यात आलेल्या या परीक्षेचा निकाल आज ८ मे २०२६ रोजी जाहीर करण्यात आला. प्रशालेचा एकूण निकाल ९६.१४ टक्के लागला असून एकूण २८५ विद्यार्थिनींपैकी २७४ विद्यार्थिनी उत्तीर्ण झाल्या आहेत. गतवर्षी ( मार्च २०२५) शाळेचा निकाल ९६.०४ टक्के होता. यावर्षी मैथिली अनिल गावंडे हिने ९९.२० टक्के गुण मिळवून प्रशालेत प्रथम क्रमांक पटकावला आहे.
कु. अनुष्का गंगाधर खंदारे ९५.२० टक्के गुणांसह द्वितीय, तर कु. अक्षरा बालासाहेब वायाळ ९५.०० टक्के गुण मिळवून तृतीय क्रमांकाने उत्तीर्ण झाली आहे.विशेष म्हणजे प्रशालेतील एकूण २४ विद्यार्थिनींनी ९० टक्क्यांहून अधिक गुण मिळवून घवघवीत यश संपादन केले आहे. यामध्ये प्रामुख्याने मैथिली गावंडे ९९.२० टक्के, अनुष्का खंदारे ९५.२० टक्के, अक्षरा वायाळ ९५.०० टक्के, जान्हवी डाके ९४.६० टक्के, श्रुतिका जगताप ९४.४० टक्के, सायली धोंगडे ९४.०० टक्के, श्रुती वायाळ ९३.६० टक्के, प्राप्ती शिंदे ९३.२० टक्के, सिया काबरा ९२.६० टक्के, भगवती कटारे ९२.६० टक्के, भाग्यश्री इलग ९२.६० टक्के, वेदिका रासवे ९२.६० टक्के, दीप्ती जाधव ९२.४० टक्के, प्रगती माने ९२.४० टक्के, श्रद्धा तुरे ९२.२० टक्के, जागृती ताठे ९२.२० टक्के, तृप्ती खांडेभराड ९२.०० टक्के, सुहाना शेख ९२.०० टक्के, वेदिका चव्हाण ९१.८० टक्के, भावना लिपणे ९१.६० टक्के, श्रुती दौंड ९०.२० टक्के, पद्मजा खराटे ९०.२० टक्के, अपेक्षा कांगणे ९०.०० टक्के आणि संध्या राऊत ८९.९० टक्के यांचा समावेश आहे. या यशाबद्दल नूतन विद्यालय शिक्षण संस्थेचे अध्यक्ष डॉ. एस. एम. लोया, उपाध्यक्ष डी. के. देशपांडे, सचिव प्राचार्य डॉ. विनायकराव कोठेकर, सहसचिव जयप्रकाश बिहाणी, शालेय समिती अध्यक्ष नंदकिशोर बाहेती, प्रशासकीय अधिकारी प्राचार्य डॉ. शरद कुलकर्णी, सीतारामजी मंत्री, कार्यकारी मंडळाचे सदस्य, मुख्याध्यापिका एन.डी.पाटील, उपमुख्याध्यापक पी.टी.कपाटे, डी.बी.घोगरे यांच्यासह सर्व स्तरांतून विद्यार्थ्यांचे आणि शाळेचे कौतुक होत आहे.
