माजी आमदार हरिभाऊ लहाने यांची उपस्थिती
सेलू : शिवसेनेचे माजी आमदार हरिभाऊकाका लहाने यांच्या प्रयत्नातून देऊळगाव गात येथे होणाऱ्या सिमेंट काँक्रीटचे रस्ता कामाचे भूमिपूजन गुरुवारी, २८ मे रोजी झाले.
या रस्त्याच्या कामासाठी हनुमान गात यांनी पाठपुरावा केला होता. देऊळगाव गात येथील अहिल्याबाई होळकर नगर या ठिकाणी हा भूमिपूजनाचा कार्यक्रम झाला. या कामासाठी २० लक्ष रुपयांचा निधी खर्च करण्यात येणार आहे. तर पुढच्या टप्प्यात आणखी दोन ते तीन कोटींच्या सिमेंट काँक्रीटीकरण रस्त्यांची कामे देऊळगाव गात येथील विविध भागात करण्यात येणार असल्याचे श्री.लहाने यांनी सांगितले. या कार्यक्रमास शिवसेना उपजिल्हाप्रमुख बाबा काटकर, शहर प्रमुख पांडू तात्या कावळे, माजी नगरसेवक अविनाश शेरे, कृषी उत्पन्न बाजार समितीचे संचालक दतराव कदम, पंचायत समिती सदस्य शिवराम कदम, माजी जिल्हा परिषद सदस्य शिवाजीराव कदम, दत्तराव नाना कदम, श्याम कदम , विश्वनाथ मांडाखळीकर, शिवाजीराव कदम, गोरख कदम, नारायणराव कदम आणि गावकरी मंडळी उपस्थित होते.
