पक्षप्रमुखांवरील अफाट श्रद्धेपायी परभणी ते मुंबई असा खडतर प्रवास; आमदार डॉ. राहुल पाटील यांच्याकडून शुभेच्छा
परभणी : राजकीय उलथापालथीच्या काळातही पक्षाशी अन् पक्षप्रमुखांशी असलेली निष्ठा कशी जपायची, याचा आदर्श परभणीतील एका शिवसैनिकाने घालून दिला आहे. पूर्णा तालुक्यातील सातेफळ येथील कट्टर शिवसैनिक विठ्ठल चव्हाण यांनी शिवसेना पक्षप्रमुख उद्धव ठाकरे यांच्यावरील अथांग श्रद्धेपायी परभणी ते मुंबई (मातोश्री) असा लांबचा प्रवास सायकलने करण्याचा संकल्प केला आहे. त्यांच्या या प्रवासाचा शुभारंभ शुक्रवारी, ७ ऑगस्ट २०२६ रोजी उत्साहात पार पडला.
यावेळी आमदार डॉ. राहुल पाटील यांनी विठ्ठल चव्हाण यांची भेट घेऊन त्यांच्या या अनोख्या उपक्रमाचे कौतुक केले आणि शुभेच्छा दिल्या. सामान्य कार्यकर्त्याचे पक्षावरील हे प्रेम आणि निष्ठा वाखाणण्याजोगी आहे, अशा भावना या प्रसंगी व्यक्त करण्यात आल्या. या शुभेच्छा समारंभास पूर्णा तालुकाप्रमुख छगन मोरे, युवासेना तालुकाप्रमुख संदीप झाडे, दगडूआप्पा काळदाते, दत्तराव मुळे, बंडू बिडकर, गणेश मुळे, गंगाधर गाडगे, शिव देशमुख, गोपीनाथ झाडे यांच्यासह परिसरातील शिवसैनिक व युवासैनिक उपस्थित होते. सर्वांनी चव्हाण यांच्या या ध्येयवेड्या प्रवासाला पाठिंबा दर्शवत जोरदार घोषणाबाजी केली.
