उपाध्यक्षपदी राजु ठाकरे यांची निवड
वाशिम : जिल्हा परिषद शाळा खरोळा येथील शाळा व्यवस्थापन समितीच्या अध्यक्षपदी महेश खडसे यांची तर उपाध्यक्षपदी राजु ठाकरे यांची शनिवार दि.28 ऑगस्ट रोजी निवड करण्यात आली.
समितीच्या सदर बैठकीत सदस्य रेखा राजकुमार खडसे, छाया गणेश राऊत, रत्नमाला भगवान खडसे, शिक्षक तज्ञ राजेश ठाकरे,मनोज खडसे, शंकर खडसे,सोनू विष्णू सोनुने,भागवत काळे सदस्यांच्या व पालकांच्या संमतीने ही निवड करण्यात आली. शाळेच्या शैक्षणिक विकासाला चालना देणे, विद्यार्थ्यांना आवश्यक सुविधा उपलब्ध करून देणे, शाळेतील विविध उपक्रम प्रभावीपणे राबविणे तसेच पालक, शिक्षक आणि ग्रामस्थ यांच्यात समन्वय साधण्यासाठी शाळा व्यवस्थापन समिती महत्त्वाची भूमिका बजावत असते. यावेळी सरपंच गणेश ठाकरे, उपसरपंच दीपक खडसे, ग्रामपंचायत सदस्य नंदू ठाकरे, रामचंद्र खडसे यांच्यासह नवनिर्वाचित शाळा व्यवस्थापन समितीचे अध्यक्ष महेश खडसे यांनी मनोगत व्यक्त केले. मुख्याध्यापक प्रल्हाद महाले, रामप्रसाद धनुडे, श्रीकांत बोरचाटे, किशोर कांबळे,तर पालक देविदास ठाकरे, विठ्ठल चौधरी, सागर खडसे, गणेश सावके,भारत खडसे,नामदेव कांबळे,केशव खडसे, संतोष राऊत, गौरव खडसे, आदित्य खडसे, प्रवीण ठाकरे,शाम ठाकरे, गणेश ठाकरे,अविनाश राऊत, आकाश भालेराव, राजरत्न राऊत, बुरे भाऊ इत्यादी ग्रामस्थ उपस्थित होते.
