रक्तदान करून अण्णाभाऊ साठे यांना अभिवादन

परभणी : अशोक नगर युवा मंचच्या वतीने साहित्यरत्न अण्णाभाऊ साठे यांच्या जयंतीनिमित्त रक्तदान शिबिराद्वारे अनोखे अभिवादन केले. शहरातील २० तरुणांनी अण्णाभाऊ साठे यांच्या पूर्णकृती पुतळ्याजवळ रक्तदान केले. या या वेळी विद्रोही कवी यशवंत मकरंद, प्रदीप वाव्हळे, विश्वजीत वाघमारे आणि गौतम धबाले यांची प्रमुख अतिथी उपस्थिती होती. यावेळी बोलताना यशवंत मकरंद म्हणाले, “रक्तदान शिबिराद्वारे केलेले अभिवादन हे खऱ्या अर्थाने अण्णाभाऊ साठे यांना लाल सलाम होय.” प्रास्ताविक संयोजक आर्यन बनसोडे यांनी केले. शिबिर यशस्वी करण्यासाठी आर्यन बनसोडे यांच्यासह हर्षवर्धन काळे, नितेश कांबळे, शंकर सावळे, साकेत परसोडे, तेजस शिवभगत, कृष्णा वाहुळे, रामा भालेराव, ऋषिकेश हातागळे, तसेच न्यू ब्लड लाइफ बँकेचे पंकज खेडकर, निशांत खेडकर आणि नागसेन नाटकर यांनी विशेष परिश्रम घेतले.