महात्मा फुले विद्यालयाच्या गणेशनगर शाखेचा उपक्रम
परभणी : महात्मा फुले विद्यालयाच्या गणेश नगर शाखेत आज, २६-८-२०२५ रोजी बाल कलाकारांनी शाडू माती, रंगीबेरंगी क्ले आणि स्पंज क्लेचा वापर करून भगवान श्री गणेशाच्या आकर्षक मूर्ती बनविल्या. विद्यार्थ्यांनी या कार्यशाळेत उत्साहाने सहभाग घेतला. ‘गणपती बाप्पा मोरया’च्या घोषणांनी शाळेचा परिसर दुमदुमून गेला होता.
या कार्यशाळेl समृद्धी मस्के आणि वर्षा पारवे यांनी विद्यार्थ्यांना विशेष मार्गदर्शन केले. शाडूच्या मातीपासून गणपती तयार करण्याच्या या प्रशिक्षण शिबिरात विद्यार्थ्यांनी स्वतःच्या हातांनी गणपती तयार केले. बाप्पाची मूर्ती स्वतः बनवताना मुलांच्या मनात श्रद्धा आणि बाप्पाबद्दलचे प्रेम दिसून आले. महात्मा फुले विद्यालय हे नेहमीच कृतीयुक्त शिक्षणावर भर देऊन मुलांचा सर्वांगीण विकास करणारे परभणीतील एक अग्रगण्य विद्यालय आहे.
हा कार्यक्रम यशस्वी करण्यासाठी रमेशराव नाईकवाडे यांच्या मार्गदर्शनाखाली जाधव, वीरशे, प्रदीप चव्हाण, गहाळ, रांनगिरे, यवतकर, अमोल, तांबोळी, जुकटे, चापके, तोंडचिरे, सोळंके, श्रीकांत, राठोड आणि किसन समिद्रे यांनी विशेष प्रयत्न केले.
