गोंदीकर महाराज यांचे प्रतिपादन, श्री केशवराज बाबासाहेब महाराज मंदिरात श्रीमद् भागवत सप्ताह
सेलू जि.परभणी : सौंदर्य देहात शोधू नये. सौंदर्य देवात आहे. तिथे ते शोधावे, असे प्रतिपादन भागवताचार्य नंदकिशोर महाराज गोंदीकर यांनी २९ नोव्हेंबर रोजी केले. सेलू येथील श्री केशवराज बाबासाहेब महाराज यांच्या २२४ व्या यात्रा महोत्सवानिमित्त आयोजित श्रीमद् भागवत कथा निरूपण करताना ते बोलत होते. देवाच्या सौंदर्याबाबत महाराजांनी विविध मराठी कविता तसेच गझलांचे संदर्भदाखले दिले. निसर्ग एवढा सुंदर आहे, तर त्याचा निर्माता किती सुंदर, आणि त्याचे नामही त्याहूनही किती सुंदर आहे, असे महाराज म्हणाले. भागवत कथा श्रवणासाठी भाविकांची मोठी गर्दी आहे. यामध्ये महिला भाविकांची उपस्थिती लक्षणीय आहे.
