विद्यार्थी आणि शिक्षकांनी पटकावला प्रथम क्रमांक
सेलू : पंचायत समिती शिक्षण विभाग सेलू व विवेकानंद प्राथमिक विद्यालय सेलू यांच्या संयुक्त विद्यमाने २८ नोव्हेंबर २०२५ रोजी ५३ व्या तालुकास्तरीय विज्ञान प्रदर्शनाचे आयोजन करण्यात आले होते. या प्रदर्शनामध्ये नूतन विद्यालयातील विद्यार्थी दोन्ही गटांमध्ये सहभागी झाले होते.
माध्यमिक गटातून दुर्गा नामदेव मगर, श्रीराम सतीश खिस्ते आणि साहिल कळसकर या विद्यार्थ्यांनी विज्ञान प्रदर्शनामध्ये सादर केलेल्या प्रयोगाने प्रथम क्रमांक पटकावला. तसेच, शैक्षणिक साहित्य प्राथमिक गटामध्ये शिक्षक उमेश क्षीरसागर यांनीदेखील प्रथम क्रमांक मिळवला आहे.
या यशस्वी विद्यार्थ्यास आदिती आंबेकर, अश्विनी पटाईत आणि विज्ञान विभाग प्रमुख सुनीता दहिफळे यांचे मार्गदर्शन लाभले. कलाशिक्षक आर.डी.कटारे, एफ.के. गावित, केशव डहाळे आणि गोविंद रामपूरकर यांचेही या यशामध्ये सहकार्य मिळाले. यशस्वी विद्यार्थी आणि शिक्षकांचा २९ नोव्हेंबर रोजी शाळेच्या वतीने सत्कार करण्यात आला. या वेळी मुख्याध्यापक संतोष पाटील, उपमुख्याध्यापक के.के.देशपांडे, शंकर बोधनापोड, रोहिदास मोगल, कुशल कडे, प्रशांत नाईक, गोपाल आम्ले, श्रीमती शेटे आदींची उपस्थिती होती.
