डॉ.अभय बंग यांचे सेलूत शनिवारी व्याख्यान

सेलू : सेलू येथील नूतन विद्यालय शिक्षण संस्था संचालित कै.श्रीरामजी भांगडिया स्मारक व्याख्यानमालेचे सुवर्णमहोत्सवी पुष्प शनिवारी, २३ ऑगस्ट रोजी सकाळी अकरा वाजता पद्मश्री महाराष्ट्रभूषण, ज्येष्ठ सामाजिक कार्यकर्ते व विचारवंत डॉ.अभय बंग गुंफणार आहेत.
“वेगळे शिक्षण शक्य आहे का ?” हा त्यांच्या व्याख्यानाचा विषय आहे. अध्यक्षस्थानी संस्थेचे अध्यक्ष डॉ. एस.एम. लोया असतील. तर ज्येष्ठ पत्रकार संजीव कुळकर्णी यांची उपस्थिती राहणार आहे. व्याख्यानास उपस्थित राहावे, असे आवाहन उपाध्यक्ष डी.के.देशपांडे, चिटणीस प्राचार्य डॉ.व्ही.के.कोठेकर, जयप्रकाश बिहाणी,‌ संयोजक प्राचार्य डॉ.शरद कुलकर्णी, प्रा.सुभाष बिरादार यांनी केले आहे.