लॉयन्स क्लब ऑफ सेलूचे आयोजन, वुमन्स युथ विजेता, डॉक्टर वुमन्स उपविजेता, तर चिरायू वुमन्स तृतीय
सेलू : जागतिक महिला दिनानिमित्त रविवार, ८ मार्च रोजी लॉयन्स क्लब ऑफ सेलूच्या वतीने आयोजित वुमन्स बॉक्स क्रिकेट लीग स्पर्धेत आठ महिला संघांनी सहभाग नोंदवून उत्स्फूर्त प्रतिसाद दिला.
पोलिस निरीक्षक दीपक बोरसे यांच्या हस्ते स्पर्धेचे उद्घाटन करण्यात आले.दृष्टी लॉयन्स नेत्रालयाचे मनोहर खालापुरे व संजीवनी खालापुरे यांच्या हस्ते स्पर्धेतील विजेत्या संघांना पारितोषिके प्रदान करण्यात आली. यामध्ये आस्था अँड ग्रुपने प्रथम क्रमांक मिळवून रोख २००१ रुपये, डॉक्टर वुमन्स ब्लॅक वॉरियर्सने द्वितीय क्रमांक मिळवून १५०१ रुपये, तर चिरायू वुमेन्स स्टाफने तृतीय क्रमांक पटकावून १००१ रुपये रोख, ट्रॉफी व प्रशस्तीपत्र प्राप्त केले.याप्रसंगी लॉयन्स क्लबचे अध्यक्ष सुयश पटवारी, सचिव डॉ. बाळासाहेब जाधव, उपाध्यक्ष अजित सराफ, ज्येष्ठ क्रीडा मार्गदर्शिका संगिता खराबे-टेंगसे, गोल्डन मेंबर डॉ. आशिष मेहता, दत्तात्रय सोळंके, डॉ. कुंदन राऊत, डॉ. आवटे, खुशाल तांगडे आणि राहुल राजुरकर यांची प्रमुख उपस्थिती होती. पंच म्हणून निलेश मुंदडा, राजेश शर्मा आणि अभिजित चव्हाण यांनी काम पाहिले. प्रास्ताविक डॉ. बाळासाहेब जाधव यांनी केले, सूत्रसंचालन भगवान पावडे यांनी तर आभार प्रदर्शन सुभाष मोहकरे यांनी केले.
महिला खेळाडूंची बहारदार कामगिरी
सेलू शहरात पहिल्यांदाच लॉयन्स क्लबच्या वतीने महिलांच्या क्रिकेट स्पर्धेचे आयोजन करण्यात आले होते. विजेत्या संघात आस्था मेहता, तेजल पटेल, मोनिका कवाडे, मयुरी थोरे, नेहा कुंदनानी, स्वराली उन्हाळे यांनी उत्कृष्ट कामगिरी केली. तर उपविजेत्या संघात डॉ. प्रिती मेहता, डॉ. अंजली जाधव, डॉ. सुकन्या भाबट, डॉ. नेहा मुंडे, डॉ. माधुरी कामखेडे, डॉ. पुजा काकड, डॉ. शितल दोडीया, डॉ. वर्षा गिरी आणि डॉ. रुपाली मालाणी यांनी बहारदार खेळ केला.
