सेलू : येथील नूतन विद्यालयातील उपक्रमशील ज्येष्ठ क्रीडा शिक्षक गणेश शेषराव माळवे यांची गुरुवारी १० एप्रिल रोजी पदोन्नतीने पर्यवेक्षक पदी नियुक्ती करण्यात आली आहे.
माळवे हे नूतन विद्यालयात क्रीडा शिक्षक म्हणून मागील ३० वर्षे प्रदीर्घ सेवा बजावत असून त्यांच्या मार्गदर्शनाखाली अनेक राष्ट्रीय व राज्य स्तरावरील खेळाडू घडले आहेत. त्यांनी सेलू तालुक्यात अनेक राज्य क्रीडा स्पर्धांचे आयोजन करण्यासोबतच विविध क्रीडा सुविधा निर्माण करण्यात मोलाचे योगदान दिले आहे. खेलो इंडिया बीच गेम्स दीव दमण आणि नॅशनल गेम्स डेहराडून येथेही त्यांनी सहभाग नोंदवला आहे.या नियुक्तीबद्दल नूतन विद्यालय शिक्षण संस्थेचे अध्यक्ष डॉ. एस.एम. लोया, उपाध्यक्ष डी.के.देशपांडे गुरुजी, सचिव प्राचार्य डॉ. विनायकराव कोठेकर, सहसचिव जयप्रकाशजी बिहाणी, प्रशासकीय अधिकारी प्राचार्य डॉ. शरद कुलकर्णी आणि कार्यकारिणी सदस्य नंदकिशोरजी बाहेती यांनी त्यांचे अभिनंदन केले. तसेच मुख्याध्यापक संतोष पाटील, उपमुख्याध्यापक किरण देशपांडे, पर्यवेक्षक शंकर बोधनापोड, सेवानिवृत्त पर्यवेक्षक देविदास सोन्नेकर, शिक्षक प्रतिनिधी प्रशांत नाईक यांच्यासह अनेकांनी त्यांचे अभिनंदन केले आहे.
