सेलू शहरात भव्य मिरवणूक, शानदार सोहळ्यात सन्मान
सेलू : येथील गटकळ करिअर अकॅडमी स्पर्धा परीक्षा मार्गदर्शन केंद्राच्या ३० विद्यार्थ्यिनींची महाराष्ट्र पोलीस दलात निवड झाली आहे. या यशवंतांचा शनिवार, २३ मे रोजी आयोजित शानदार सोहळ्यात मान्यवरांच्या हस्ते सन्मान करण्यात आला.
कार्यक्रमाच्या अध्यक्षस्थानी नूतन शिक्षण संस्थेचे सचिव प्राचार्य डॉ.व्ही.के.कोठेकर, प्रमुख पाहुणे म्हणून नगराध्यक्ष मिलिंद सावंत उपस्थित होते. सेवानिवृत्त सपोनि माधव लोकुलवार, जेष्ठ पत्रकार नारायण पाटील, राम सोनवणे, भाजप तालुकाध्यक्ष गणेश काटकर, शहराध्यक्ष अशोक शेलार, परमेश्वर लाटे, रामराव बोबडे, रामराव गायकवाड, दतात्रय गटकळ, रामेश्वर काजळे, संस्थापक प्रा.रामेश्वर गटकळ, प्रा.दीपक गटकळ यांची प्रमुख उपस्थिती होती.
या वेळी मार्गदर्शन करताना नगराध्यक्ष मिलिंद सावंत म्हणाले, की स्पर्धेच्या युगात मागील दहा वर्षात निष्ठा, सातत्य आणि कठोर परिश्रमाच्या बळावर सेलू तालुक्यातील शेतकरी, शेतमजूर कष्टकरी बहुजन समाजातील युवकांचे खाकी वर्दीतील शासकीय सेवेचे स्वप्न प्रत्यक्षात साकार करण्याचे गटकळ करिअर अकॅडमी चे काम प्रेरणादायी व कौतुकास्पद आहे.
कार्यक्रमात महाराष्ट्र पोलीस दलात निवड झालेल्या नेहा काळे, निकीता काळे, स्वाती खंदारे, शितल मोरे, ममता थोरात, गिता झाटे, प्रतिक्षा कोरडे, मोनाली जमदाडे, सुरेखा चव्हाण, पुजा जगताप, दिपक पवार, जिवन चव्हाण, राजीव नालेगावकर, शेख जुनैद, इकबाल पठाण, वैष्णवी राठोड, शुभांगी राऊत, वैष्णवी लिपणे, प्रतिमा पांचाळ, शिवकन्या वसमतकर, दुर्गा झाडे या २१ विद्यार्थ्यांचा तसेच मागील वर्षी निवड झालेल्या प्रियंका बरकुले, पल्लवी पारवे, उमा दुगाने, शुभांगी रणशिंगे, पल्लवी कांगले, प्रेरणा लाटे, जयश्री काळे, विजय पवार या विद्यार्थ्यांचा व त्यांच्या पालकांचा सन्मान चिन्ह देऊन सत्कार करण्यात आला.
प्रास्ताविक प्रा. रामेश्वर गटकळ, सुत्रसंचालन सुभाष मोहकरे तर दीपक गटकळ यांनी आभार मानले.प्रारंभी या सर्व यशवंत विद्यार्थ्यांची ढोल- ताशांच्या गजरात फेटे बांधून सेलू शहरात भव्य मिरवणूक काढण्यात आली. कार्यक्रम यशस्वीतेसाठी प्रसाद महाराज काष्टे, दत्तात्रय सोळंके, गोपाळ ताठे, योगेश राठोड, राऊत, विष्णू इंगोले व गटकळ अकॅडमीच्या कर्मचाऱ्यांनी परिश्रम घेतले. विद्यार्थी, पालक व नागरिक मोठ्या संख्येने उपस्थित होते.
