कै.सौ.वत्सलाबाई राके स्मृती खुल्या बुद्धिबळ स्पर्धेचे आयोजन

परभणी :- बाल विद्या मंदिर शिक्षण संस्था परभणीचे माजी मुख्याध्यापक दिलीप राके व त्यांचे बंधू हे त्यांच्या आई कै. वत्सलाबाई राके यांच्या स्मृती प्रित्यर्थ परभणी जिल्हा बुद्धिबळ संघटनेमार्फत मागील 28 वर्षांपासून एका भव्य, सर्वांसाठी खुल्या बुद्धिबळ स्पर्धेचे आयोजन करतात. हे स्पर्धेचे 29 वे वर्ष असून सदर स्पर्धा 26 जुलै 2026 रोजी सकाळी 10 वाजता सुरू होईल. त्याच दिवशी सायंकाळी 6 वाजता पारितोषिक वितरण समारंभाने स्पर्धेचा समारोप होईल.

शुभमंगल कार्यालय, पाथरी रोड, परभणी या ठिकाणी स्पर्धा घेण्यात येणार आहे. स्पर्धा सर्वांसाठी खुली असली तरी विविध गटांमध्ये एकूण रु. 51000 (रू.एक्कावन हजार फक्त) ची रोख रकमेची पारितोषिके देण्यात येणार आहेत.
सात ते सतरा वर्षाखालील गटातील खेळाडूंना, तसेच महिला या गटांमध्ये प्रत्येकी दहा पारितोषिके देण्यात येणार आहेत. खुल्या गटामध्ये प्रथम पारितोषिक रुपये 8100 व ट्रॉफी, द्वितीय रुपये पाच हजार , तृतीय रुपये तीन हजार व पुढे अशी एकूण रोख रकमेची 15 पारितोषिके असतील. पहिल्या सहा क्रमांकांना स्मृतीचिन्ह देण्यात येईल. रोख रकमेची 90 पारितोषिके आणि 30 स्मृतीचिन्ह अशी एकूण पारितोषिके प्रदान करण्यात येतील. प्रत्येक सहभागी खेळाडूला प्रमाणपत्र देण्यात येणार आहे.
नाव नोंदणी दिनांक 24 जुलैपर्यंत करणे आवश्यक आहे.
नाव नोंदणीसाठी व अधिक माहितीसाठी
संभाजी बिल्पे, अनिल सेलगावकर
यांच्याशी संपर्क साधावा.