साहित्य मंच कार्यक्रम उत्साहात
परभणी/प्रतिनिधी : येथे साहित्य अकादमी आणि बी.रघुनाथ महाविद्यालयाच्या संयुक्त विद्यमाने आयोजित साहित्य मंच उपक्रमांतर्गत मराठी कविता, कथा वाचन कार्यक्रम रविवार ( दि.२८ ) रोजी बी.रघुनाथ महाविद्यालयाच्या सांस्कृतिक सभागृहात उत्साहात संपन्न झाला. कविता, कथा वाचनाने रसिकांना मंत्रमुग्ध केले.
कार्यक्रमाच्या अध्यक्षस्थानी गोदावरी शिक्षण प्रसारक मंडळाचे अध्यक्ष, प्रसिद्ध विधीज्ञ ॲड.अशोक सोनी हे होते. तर मंचावर साहित्य अकादमी पुरस्कार प्राप्त साहित्यिक डॉ.आसाराम लोमटे, कथाकार सरोजताई देशपांडे, गंगाधर गायकवाड, माणिक पुरी, कवी डॉ. अशोक पाठक,अमोल देशमुख यांची उपस्थिती होती. कार्यक्रमात ज्येष्ठ कथाकार सरोजताई देशपांडे यांनी ‘ सुगरण ‘, गंगाधर गायकवाड यांनी ‘हमसफर’, तर माणिक पुरी यांनी ‘धनेशची गोष्ट’ कथा सादर केली. कवी डॉ.अशोक पाठक यांनी ‘ शेतकरी ‘,’ माझ्या दारात’, ‘ बाप आणि लेक ‘ तर अमोल देशमुख यांनी ‘एक सवसारपोथी’, ‘मुलीनं मांडलेल्या सवसारात’, ‘सित्याचं घर’ या कविता सादर केल्या. कार्यक्रमात सादर झालेल्या कविता, कथांनी रसिकांची मने जिंकली. काळजाचा ठाव घेतला. कार्यक्रमाचे प्रास्ताविक संयोजक डॉ.आसाराम लोमटे यांनी केले. सुत्रसंचलन अरविंद सगर यांनी केले. तर आभार प्रा.माधव हैबतकर यांनी केले. कार्यक्रमास मराठवाडा साहित्य परिषद, छत्रपती संभाजी नगर शाखा परभणीचे अध्यक्ष बा.बा.कोटंबे, केशव वसेकर कथाकार राजेंद्र गहाळ, डॉ. भिमराव खाडे, मिलिंद जाधव, डॉ. सुरेश हिवाळे, डॉ. शरद ठाकर, डॉ. सखाराम कदम, विजय ढाकणे, मधुरा उमरीकर, माधव गव्हाणे, मारोती डोईफोडे आणि साहित्यिक, रसिक मोठ्या संख्येने उपस्थित होते.
